თბილისის ზოოპარკის ინფორმაციით, ზოოპარკში ჰამადრილი დაიბადა. ახალდაბადებული ზოოპარკის თანამშრომლებმა, მისი უსაფრთხოების მიზნით, ვოლიერიდან გამოიყვანეს.
Monthly Archives: მარტი 2015
ზოოპარკის ახალი მკვიდრი მარტა :)
დედამიწის საათი მოსწავლეებთან ერთად
28 მარტს, მსოფლიო „დედამიწის საათს” აღნიშნავს. გარემოსა და ბუნებრივი რესურსების დაცვის სამინისტრო გაერთიანებული ერების ორგანიზაციასთან, კავკასიის გარემოსდაცვითი არასამთავრობო ორგანიზაციასა (CENN) და ბუნების დაცვის მსოფლიო ფონდთან (WWF) ერთად, დედამიწის საათს აღნიშნავს.
სკოლის მოსწავლეთა საყურადღებოდ!
ივანე ჯავახიშვილის სახელობის თბილისის სახელმწიფო უნივერსიტეტის აკადემიური განვითარებისა და უწყვეტი განათლების ცენტრის საბავშვო უნივერსიტეტი და სტუდენტური თსუ-ეკო აცხადეს კონკურსს საუკეთესო ესეების გამოსავლენად, რომელიც საქართველოს მდინარეების ეკოლოგიურ პრობლემებსა და მათი გადაჭრის გზებს ეხება. კონკურსი მიზნად ისახავს სკოლის მოსწავლეებში მდინარის ეკოლოგიური პრობლემების გათავისებასა და მათი ჩართულობის გაზრდას მდინარეების დაცვით ღონისძიებებში. საკონკურსო ესეს სახელწოდებაა: „საქართველოს მდინარეების ეკოლოგიური პრობლემები;
ადგილობრივი თვითმართველობის მოხელეებისათვის ტრენინგ-პროგრამის VII სესია იმართება
საქართველოს იუსტიცის სასწავლო ცენტრის ყვარლის კომპლექსში) აშშ-ს საერთაშორისო განვითარების სააგენტოს (USAID) მიერ დაფინანსებული პროგრამის “საქართველოს რეგიონებში კლიმატის ცვლილებისადმი ადაპტაციისა და ზეგავლენის შერბილების ზომების ინსტიტუციონალიზაცია” ფარგლებში საქართველოს ადგილობრივი თვითმმართველობის ეროვნული ასოციაცია თვითმმართველობის მოხელეებისათვის ტრენინგ-პროგრამის VII სესიას მართავს. სამუშაო სესიებში ასევე მონაწილეობას მიიღებენ გარემოსა და ბუნებრივი რესურსების დაცვის სამინისტროს წარმომადგენლები და მონაწილეებს მომავალ გეგმებს გაუზიარებენ, ტრენინგი 23 მარტს დაიწყო და 27 მარტს დასრულდება.
წყლის დაცვის საერთაშორისო დღე მდინარე ჩიხურას ხეობაში
22 მარტს, კვირას წყლის დაცვის საერთაშორისო დღეს თსუ-ეკო კლუბი პროექტ ,,დიდი ნახტომის” ფარგლებში, რომლის ორგანიზატორია კრეატიული განვითარების ცენტრი (CDC), გაემგზავრა საჩხერის მუნიციპალიტეტში სოფელ სხვიტორში მდინარე ჩიხურას ხეობის დასასუფთავებლად. მიმდინარე წელს UNESCO-ს ეგიდით აღინიშნება აკაკი წერეთლის დაბადებიდან 175 და გარდაცვალებიდან 100 წლისთავი. სიმბოლური იყო თსუ-ეკო კლუბის იქ გამგზავრებაც. აკაკი წერეთელს „ჩემი თავგადასავალში“ მდინარე ჩიხურაზე უწერია: “ალბათ ამის მიზეზი უნდა იყოს, რომ წყლებშიაც ყოველგვარ მდინარეს გიჟმაჟი ხევის წყალი მირჩევნია და მათში კი უპირატესობას ერთს მათგანს, ჩიხურას, ვაძლევ: ეს იყო ჩემი საკუთარი ემბაზი და ჩემი პირველი სარკე.“ სამწუხაროდ, იქ ახლა რადიკალურად სულ სხვა სურათია. აღმოჩნდა, რომ ორი სოფელი – სხვიტორი და ჩიხა იყენებს მდინარის ხეობას ნაგავსაყრელად, მდინარე სხვადასხვა ნარჩენებით არის დანაგვიანებული.
წყლის საერთაშორისო დღე
წყლის საერთაშორისო დღის აღნიშვნის იდეა 1992 წელს რიო-დე-ჟანეიროში გარემოს დაცვისა და მის განვითარებაზე გაერთიანებული ერების კონფერენციაზე გაჩნდა. ამ დღის აღნიშვნა, კი 1993 წლის 22 მარტიდან დაიწყეს. თითოეულ ქვეყანას მოუწოდებდნენ, რომ წყლის რესურსების დღე აღენიშნათ. ყოველ წელს გაერო ახალ კოორდინტორს ირჩევს, რომელიც პასუხისმგებლია ახალი თემის მომზადებაზე, წყლის დღესთან დაკავშრებით. საერთაშორის წყლის დღის ჩატარების მთავარი მიზნებია:- მივმართოთ შესაბამის ზომებს იმ პრობლემასთან დაკავშირებით რასაც სასმელი წყალი ეწოდება
– მივაწოდოთ საზოგადოებას ინფორმაცია, რაოდენ მნიშვნოლოვანია მტკნარი წყლის რესურსები და წყლის რესურსები.
– ამ დღესასწაულისთვის მივიზიდოთ მთავრობა, საერთაშორისო სააგენტოები, არასამთავრობო და კერძო სექტორები.
22 მარტი არის უნიკალური შესაძლებლობა შევახსენოთ საზოგადოებას თუ როგორი მნიშვნელოვანია გავუფრთხილდეთ წყალს.
კონკურსის „მოსწავლის თვალით დანახული საქართველოს ტყეების“ ფინალი
მოსწავლის თვალით დანახული საქართველოს ტყეები“ . 21 მარტს ივანე ჯავახიშვილის სახელობის თბილისის სახელმწიფო უნივერსიტეტში კონკურსის „მოსწავლის თვალით დანახული საქართველოს ტყეების“ ფინალი, გამოფენა და დაჯილდოების ცერემონია გაიმართა. კონკურსის ჟიურიმ სამი გამარჯვებული გამოავლინა:
ღვინის ფესტივალი 2015
2015 წელს საქართველოს ღვინის კლუბი უკვე მეექვსედ გაუძღვება ახალი ღვინის ფესტივალს, რომელიც მიზნად ისახავს ქართული ღვინის პოპულარიზაციას, საქართველოში ღვინის განათლების დონის ამაღლებასა და სამომხმარებლო კულტურის გაზრდას. ახალი ღვინის ფესტივალის ტრადიციული, საჯარო ნაწილი წელს 9 მაისს, დედაენის ბაღში ჩატარდება და მასში წარმოდგენილი იქნება 2014 წლის მოსავლის ახალი ღვინოები.
მოსწავლის თვალით დანახული საქართველოს ტყეები
გამოვლინდა ივანე ჯავახიშვილის სახელობის თბილისის სახელმწიფო უნივერსიტეტის საბავშვო უნივერსიტეტი და სტუდენტური თსუ-ეკო კლუბის მიერ ორგანიზებული კონკურსის „მოსწავლის თვალით დანახული საქართველოს ტყეების’’ ფინალისტები.
კონკურსი ეძღვნება ტყის საერთაშორისო დღეს, რომელიც 21 მარტს აღინიშნება. კონკურსში მონაწილეობდა საქართველოს სკოლების მოსწავლეები და მათი ხელმძღვანელი პედაგოგები. კონკურსის პირველი ეტაპი დაიწყო 9 თებერვალს და დასრულდა 16 მარტს. ტყის პრობლემები და მათი გამოსწორების პერსპექტივები მოსწავლეებმა ვიზუალურად გამოხატეს ნახატის სახით. ნამუშევარი შესრულებული იქნა A2 ზომის ფორმატზე. კონკურსში წარმოდგენილი იქნა 96 სკოლის 205 ნაშრომი, საიდანაც ფინალში გადავიდა 49 საუკეთესო ნამუშევარი. ზოგიერთმა სკოლამ წარმოადგინა სხვადასხვა ნახატის ფოტოსურათები, საკონკურსო წესის თანახმად ერთი სკოლიდან ფინალში გადავიდა 1 საუკუთესო ნაშრომი.
საჯარო ლექცია მწვანე ეკონომიკაზე
23 მარტს, ორშაბათს 17:00 საათზე ივანე ჯავახიშვილის სახელობის თბილისის სახელმწიფო უნივერსიტეტის პირველ კორპუსში # 115 აუდიტორიაში ტარდება საჯარო ლექცია მწვანე ეკონომიკის შესახებ. ლექციას წაიკითხავს საქართველოს გარემოსა და ბუნებრივი რესურსების დაცვის მინისტრის მოადგილე თეიმურაზ მურღულია.
ეკოფაქტი 