ჩინეთის სამხრეთ-დასავლეთით მომხდარ მიწისძვრას 100-ზე მეტი ადამიანი ემსხვერპლა, ორი ათასზე მეტმა ადამიანმა კი სერიოზული დაზიანება მიიღო – იტყობინება ჩინეთის ცენტრალური ტელევიზია.

დაღუპულთა შესახებ ინფორმაცია მყისიერად იცვლება. მიწისძვრის რეგიონში დაზარალდა 3,8 მილიონზე მეტი ადამიანი.

მიწისქვეშა ბიძგები, რომლის სიმძლავრეც 7.0 ბალია, დააფიქსირა ჩინეთის სეისმოლოგიურმა ცენტრმა, დილის 08.02 საათზე, პეკინის დროით. ქალაქ იანის რაიონში, სუჩუანის პროვინციაში.

შეგახსენებთ, რომ 2008 წელს ამავე პროვინციაში 8.0 ბალის მიწისძვრა დაფიქსირდა, რომელმაც 80 ათასი ადამიანის სიცოცხლე იმსხვერპლა. ადგილობრივი ექსპერტები უკვე იმაზე საუბრობენ, რომ ლუშანის მიწისძვრის შემდეგ იმხელა ზარალი აქ იქნება, როგორც 2008 წელს.