სტიქიის შედეგად მიყენებული ზარალის სალიკვიდაციო-სარეაბილიტაციო სამუშაოები დღეიდან იწყება.
უკვე დადგენილია, რომ საქართველოში ქარისა და შტორმის შედეგად მოსახლეობას და ინფრასტრუქტურას 5 მლნ ლარის ზარალი მიადგა.ამ დროის მონაცემებით, გორში – 38, მიმდებარე სოფლებში – 110, ოზურგეთში – 125, ქობულეთში – 65, ხელვაჩაურში – 102, ბათუმში კი, 30 საცხოვრებელი სახლია დაზიანებული.
შენობების აღსადგენად დაფინანსება სავარაუდოდ, მთავრობის სარეზერვო ფონდიდან გამოიყოფა. ადგილობრივი ბიუჯეტის პარალელუარად კი, შედარებით მასშტაბურ სამუშაოებს ცენტრალური ბიუჯეტი დააფინანსებს.
ამასთან, პრემიერის დავალებით შექმნილი საგანგებო შტაბის წევრები რეგიონებში სიტუაციას ადგილზე ეცნობიან.
აჭარაში ვიზიტის შემდეგ ენერგეტიკის მინისტრი კახა კალაძე და რეგიონული განვითარებისა და ინფრასტრუქტურის მინისტრი დავით ნარმანია პრობლემებს დღეს გორშიც გაეცნობიან.
მსგავსი შემოწმება საგანგებო შტაბის წევრებმა აჭარაში უკვე დაასრულეს.
ეკოფაქტი 