სტიქიამ ერთი ადამიანის სიცოცხლე იმსხვერპლა ბათუმში. გვიან ღამით შტორმმა ბათუმში 6 ბალს მიაღწია, რის გამოც წყალმა ქალაქის მთელი სანაპირო ზოლი ჩამორეცხა.
განსაკუთრებით დაზიანდა ახალი ბულვარის მიმდებარე ტერიტორიები. ზღვის პირზე დაიტბორა ქუჩები და რესტორნები. 
ღელვამ მთლიანად ამოავსო კოლექტორები, რომელიც ქალაქიდან წყალს ზღვის მიმართულებით ატარებდა. ძლიერი წვიმის მოსვლის შემთხვევაში, შესაძლოა ქალაქის დიდი ნაწილი დაიტბოროს.
ამ დრომდე საგანგებო რეჟიმში მუშაობს სამაშველო სამსახური, სახანძრო და შპს ბათუმის წყლის სპეციალური ჯგუფები, თუმცა ძლიერი ღელვის გამო მათი მუშაობა უშედეგოა.
შტორმის დაწყებამდე ზღვაში ერთ-ერთი მეთევზე დაიკარგა, რომელსაც ამ დრომდე უშედეგოდ ეძებენ.
ამ წუთებში გორში ძლიერმა ქარმა სახურავი ოთხ კორპუსს ახადა. წააქცია რამდენიმე ხე. შინდისის გზატკეცილზე ერთ-ერთი ხე მანქანას დაეცა. მძღოლი არ დაშავებულა.
ფოტო ვალერია კიკვიძე
ეკოფაქტი 