დღეს, დაიწყო შეხვედრა ამიერკავკასიის ქვეყნების ჟურნალისტებისთვის ერევანში. შეხვედრაზე, სადაც განიხილავენ კლიმატის ცვლილებების გაშუქებას მედიაში მონაწილეობენ ჟურნალისტები სომხეთიდან, საქართველოდან (ლაშა ზარგინავა www.ipn.ge, www.tv9.ge და ო.ცისკარიშვილი http://www.ekofact.com), აფხაზეთიდან, ყარაბაღიდან…  შეხვედრას, რომელიც ორგანიზებულია გერმანული აკადემიის Deutsche Welle და ინტერნიუსის სასომხეთის ფილიალის მიერ, უძღვებიან ირლანდიელი კიერენ კოკი და გერმენელი ჟურნალისტი ბეტინა რეიგინი.

შეხვედრის მონაწილენი ათი დღის განმავლობაში შეისწავლიან კლიმატის ცვლილებებთან დაკავშირებულ პრობლემებს ამ რეგიონებში. პარალელურად მოამზადებენ სტატიებსა და რეპორტაჟებს სპეციალურად ამ შეხვედრისთვის გათვალისწინებულ ჟურნალისთვის.

ორგანიზატორების თქმით, ეს შეხვერდა მოსამზადებელი ეტაპია, საერთაშორისო კონფერენციისთვის, რომელიც გაიმართება 2013 წლის ნოემბერში ვარშავაში, სადაც თითქმის, ყველა ქვეყნის წარმომადგენელი მიიღებს მონაწილეობას და განიხილავენ გლობალურად მსოფლიოში კლიმატის ცვლილებებს.

,