Monthly Archives: აპრილი 2013

ხვალ, 10 აპრილს,  გაიმართება საერთაშორისო ექსპერტების მიერ ხუდონის ჰიდროელექტრო სადგურისმშენებლობის პროექტის გარემოზე ზემოქმედების შეფასებასთან დაკავშირებით ჩატარებული კვლევის შედეგების საჯარო პრეზენტაცია. შეხვედრაში მონაწილეობას მიიღებენ გარემოს დაცვის მინისტრი ხათუნა გოგალაძე, ენერტიკისა და ბუნებრივი რესურსების მინისტრი კახი კალაძე, არასამთავრობო ორგანიზაციების წარმომადგენლები, ადგილობრივი ექსპერტები და სხვა დაინტერესებული პირები.
შეგახსენებთ, რომ ხუდონის ჰიდროელექტროსადგურის მშენებლობისადმი საზოგადოების მაღალი ინტერესისა და საკითხის აქტუალობიდან გამომდინარე, გარემოს დაცვის სამინისტრომ ნიდერლანდების მთავრობას საექსპერტო მომსახურების უზრუნველყოფის თხოვნით მიმართა. აღნიშნულის საფუძველზე, ნიდერლანდების გარემოზე ზემოქმედების კომისიამ (NCEA – Netherlands Commission on Environmental Assessment) უზრუნველყო ხუდონის ჰიდროელექტროსადგურის მშენებლობისა და ექსპლუატაციის გარემოზე ზემოქმედების შეფასების დოკუმენტის განხილვაში საერთაშორისო ექსპერტთა ჯგუფის ჩართვა.

ექსპერტებმა, უკვე შეისწავლეს დოკუმენტის თეორიული ნაწილი, აგრეთვე სამი დღის განმავლობაში იმყოფებოდნენ სამეგრელო-ზემო სვანეთის რეგიონში, სადაც მოინახულეს ჰიდროელექტროსადგურის მშენებლობის ადგილი, შეხვდნენ ადგილობრივი არასამთავრობო ორგანიზაციებისა და ხელისუფლების წარმომადგენლებს და მოსახლეობას. მათ ქართველ სპეციალისტებთან ერთად ადგილზე დეტალურად შეისწავლეს საკითხი და შესაბამისი რეკომენდაციები შეიმუშავეს. აგრეთვე, თბილისში ჩატარდა შეხვედრები ენერგეტიკისა და ბუნებრივი რესურსების სამინისტროს წარმომადგენლებთან, ადგილობრივ ექსპერტებთან, არასამთავრობო ორგანიზაციებთან და ხუდონის ჰიდროელექტროსადგურის პროექტის განმახორციელებელ კომპანია „ტრანსელექტრიკა ჯორჯია”-ს წარმომადგენლებთან.

საერთაშორისო ექსპერტთა ჯგუფის შემადგენლობაში არიან: გეოლოგი, სეისმოლოგი, ჰიდროტექნოლოგი, აგრეთვე ექსპერტები ბიომრავალფეროვნების, სოციალური საკითხებისა და განსახლების, ენერგეტიკის ეკონომიკისა და გარემოზე ზემოქმედების შეფასების საკითხებში

9-18 აპრილს, ტურიზმის ეროვნული ადმინისტრაცია კორეის საზოგადოებრივი მაუწყებლობის „Korea Broadcasting System” ჟურნალისტებისგან დაკომპლექტებულ პრეს ტურს მასპინძლობს.
აღნიშნული მაუწყებლობა იუწყებოდა, რომ ვინაიდან საქართველო საკმაოდ აქტუალურია კორეაში, მათ ჰქონდათ სურვილი თავიანთი გადაცემებისთვის გაეკეთებინათ საქართველოს ღირშესანიშნაობებზე სიუჟეტები. Read the rest of this entry »

აჭარაში ტურისტების რაოდენობა 50.2%-ითაა შემცირებული. 2013 წლის იანვარ-მარტში სულ აჭარაში 51 ათას 482 ვიზიტორი ჩავიდა, რაც წინა წლის იანვართან შედარებით 50.2%-ით ნაკლებია, ხოლო 2011 წელთან შედარებით კი – 40.2%-ით ნაკლები. 2012 წლის იანვარ-მარტში სულ აჭარაში 103 ათას 471 ვიზიტორი იმყოფებოდა, ხოლო 2011 წლის იანვარ-მარტში კი – 86 ათას 89 ვიზიტორი.
2013 წლის იანვარ-მარტში აჭარაში ჩამოსულ უცხოელ ვიზიტორთა რაოდენობა იყო 40 ათას 57 ვიზიტორი, რაც 2012 წლის დროის იმავე პერიოდთან შედარებით 3.4%-ით მეტია. 2012 წლის იანვარ-მარტში აჭარას 38 ათას 725 უცხოელი ვიზიტორი სტუმრობდა, ხოლო 2011 წელს კი – 24 ათას 579 ვიზიტორი.

სტატისტიკური ინფორმაციით, იანვარ-მარტში აჭარაში სომეხი ვიზიტორების რაოდენობამ საგრძნობლად დაიკლო.  2013 წლის იანვარ-მარტში აჭარაში 85,7 %-ით ნაკლები სომეხი ვიზიტორი ჩავიდა ვიდრე მათი რიცხვი 2012 წლის იანვარ-მარტში იყო. სტატისტიკური ინფორმაციის მიხედვითვე შემცირებულია ასევე ვიზიტორები ლიტვადან – 60,4 %-ით, ლატვიიდან – 56,9 %-ით, ბელარუსიდან – 59,2 %-ით, პოლონეთიდან – 51,2 %-ით, ესტონეთიდან კი – 45,1 %-ით.

http://www.ghn.ge

საქართველოს მასშტაბით წვიმა და ქარია მოსალოდნელი. ჰიდრომეტეოროლოგიური კვლევის ცენტრის მონიტორინგისა და პროგნოზირების სამსახურის ცნობით, არამდგრადი ამინდი 10 აპრილამდე შენარჩუნდება და ტემპერატურა მნიშვნელოვნად დაეცემა. Read the rest of this entry »

ეგვიპტეში მიწისძვრა მოხდა. მიწისქვეშა ბიძგები ძირითადად ის საკურორტო ზონაში დაფიქსირდა.
გავრცელებული ინფორმაციით 4,8 მაგნიტუდის მიწისძვრა შარმ-ეშ-შეიხში, ნუვეიბაში, დახაბში, ტაბაში, სინის ნახევარკუნძულზე და ხურგადაში იგრძნობოდა. Read the rest of this entry »

თბილისის აეროპორტის ხიდის ქვეშ, ლიანდაგიდან გადავარდნილი 60-ტონიანი ცისტერნებიდან დიზელის საწვავი იღვრება. სატვირთო მატარებელი რელსებიდან გადავარდა. შემთხვევა დღეს დილით, დაახლოებით 07:30 საათზე მოხდა.
შემთხვევის მიზეზი უცნობია. ადგილზე საგანგებო სიტუაციათა სააგენტოს მაშველები და მეხანძრეები მუშაობენ.  Read the rest of this entry »

მაისის დასაწყისისათის, ჩინეთი სადავო კუნძულზე სიშაზე, ტურების მოსწყობას გეგმავს.

ამის შესახებ, სამხრეთ-ჩინეთის  ხაინანის კუნძულების პროვინციის ვიცე-გუბერნატორმა ტან ლიმ განაცხადა. ამ დღეებში, ხაინანში აზიის ეკონომიკური ფორუმი მიმდინარეობს. Read the rest of this entry »

იაპონიაში “ფუკუსიმას” ატომურ ელექტროსადგურზე რადიოაქტიური წყლის კიდევ ერთი გაჟონვა მოხდა. შესაბამისი განცხადება, ატომური ელექტროსადგურის მომსახურე კომპანიამ TEPCO-მ გააკეთა. თუმცა დაკონკრეტდა, რომ წყლის გაჟინვა მცირე რაოდენობით მოხდა.  Read the rest of this entry »

გეოლოგის დღე ყოველწლიურად, აპრილის პირველ კვირა დღეს აღინიშნება. ეს პროფესიული დღესასწაული, 1980 წლის 1 ოქტომბერს პრეზიდიუმის უზენაისი საბჭოს სსრკს დადგენილებით დაარსდა.  Read the rest of this entry »

თბილისი, 12-14 აპრილს, საერთაშორისო ტურისტულ გამოფენას – “კავკასია 2013”-ს უმასპინძლებს. “ექსპო ჯორჯიაში” დღეს გამართულ პრესკონფერენციაზე ეკონომიკისა და მდგრადი განვითარების მინისტრის პირველმა მოადგილემ, დიმიტრი ქუმსიშვილმა განაცხადა, რომ გამოფენაზე წარმოდგენილი იქნებიან არა მხოლოდ ადგილობრივი, არამედ უცხოური კომპანიებიც – აზერბაიჯანიდან, სომხეთიდან, თურქეთიდან, ტაილანდიდან და არაბთა გაერთიანებული საემიროებიდან.  Read the rest of this entry »