ეკოფაქტი

ოლიკო ცისკარიშვილი

საყდრისამდე ვერ მივაღწიეთ…

როგორ მივაღწევდით, როცა კაზრეთშივე ათობით ადამიანი თავს დაგვესხა და უაღრესად აგრესიულად ითხოვდა ჩვენს იქიდან წასვლას. ისე, რომ არც კი აინტერესებდათ ვინ ვიყავით და რა გვინდოდა… არც არავის შეუწუხებია თავი… სხვათაშორის, არც მოგვიანებით მოსულ პოლიციას, რომელიც არც კი ვიცი საიდან მოვიდა და რატომ… გვერდით მდგარნი უფრო სეირის მაყურებლის ამპლუაში იყვნენ, ვიდრე სამართალმდაცველების.

ზოგადად არ მიყვარს ამ სტილში ამბის მოთხრობა, თუმცა ეკოფაქტი მაინც ბლოგია და ამიტომ თავს უფლებას მივცემ, ამ შემთხვევაში, ოდნავ მაინც მაჯობოს ემოციამ და  ისე გითხრათ სათქმელი. თუმცა, უახლოეს მომავალში, უფრო დავწრილებით მოვუთხრობ მკითხველს. Read the rest of this entry »

ოლიკო ცისკარიშვილი

“ვაკის სტადიონი” ხშირად ასე მოიხსენიებენ, მიხეილ მესხის სახელობის ვაკის სტადიონს, რომელიც ფეხბურთის ფედერაციას 2009 წელს, 49 წლიანი იჯარით გადასცა, წინა ხელისუფლების დროს, თბილსის მერიამ, კერძოდ კი, გიგი უგულავამ. ამაში არაფერი იქნებოდა საგანგაშო, რომ არა ის ფაქტი, რომ ხელშეკრულების მიხედვით, სტადიონი მხოლოდ ფეხბურთის გუნდებს ეკუთვნით და საქვეყნოდ ცნობილი და განთქმული მერაგბეები სტადიონის გარეშე დარჩნენ. რომ არა ფეხბურთის ფედერაციის კეთილი ნება, რაგბი  ამ სტადიონზე ვერ გაიმართებოდა. ხან მინიმალურ თანხას იხდიან, ხან კი სულ უფასოდაც თამაშობენ და ერკინებიან საქართველოს მორაგბეთა გუნდი სხვადასხვა ქვეყნებიდან ჩამოსულ მოწინააღმდეგებს. Read the rest of this entry »

ხვალ, 18 დეკემბერს, ( 11:30; აღმაშენებლის ხეივანი მე-12 კმ, „მიცუბიშის ცენტრი“ ) ჩეხეთის რესპუბლიკის სრულუფლებიანმა ელჩმა ტომაშ პერნიცკიმ, ჩეხეთის განვითარების პროგრამების ფარგლებში, თუშეთის დაცული ლანდშაფტის ადმინისტრაციას საჩუქრად გადასცემს მაღალი განმავლობის მიცუბიშის მოდელის მანქანა, რომელიც მოემსახურება თუშეთის მაღალმთიანი რეგიონის მოსახლეობას და გაუწევს სასწრაფო დახმარებას გადაუდებელი სამედიცინო შემთხვევების დროს.

Read the rest of this entry »

ოლიკო ცისკარიშვილი

ვაკის ყველაზე დიდი პარკი, ვაკის პარკია, რომელიც თრიალეთის ქედის ჩრდილოეთის ფერდობის გარკვეულ მონაკვეთში  ჭავჭავაძის პროსპექტის №76-ში მდებარეობს. მისი მშენებლობა 1946 წელს დაიწყო. საქართველოს ძეგლთა დაცვისა და სპორტის მინისტრის 2007 წლის 1 ოქტომბრის №3/181 ბრძანებით, მინიჭებული აქვს კულტურული მემკვიდრეობის ძეგლის სტატუსი. ბუნებრივია, პარკის შესასვლელები და თვით მისი ძირითადი ნაწილი (კომპოზიციურ ღერძზე განლაგებული კიბეები, აუზი და სხვა გეგმარებითი ელემენტები) დასახლებული ტერიტორიების დამამთავრებელი ქუჩებისა და საზღვრების მიმდებარედ, მათთან ორგანულად და ტერიტორიულად დაკავშირებულად დაპროექტდა. შემდგომ ეტაპზე მოხდა მეორე მსოფლიო ომისადმი მიძღვნილი დიდების მემორიალის დაგეგმარება-მშენებლობა, რომელმაც მთის ფერდობზე გააგრძელა არსებული კომპოზიციური ღერძი (წყლის სარკე-ჩანჩქერების შადრევნებისა და დამამთავრებელი მოცულობითი თემატური ქანდაკების სახით). Read the rest of this entry »

ოლიკო ცისკარიშვილი

21-ე საუკუნის საქართველოში, დედაქალაქ თბილისში, ყველაზე პრესტიჟულ უბნად ვაკე ითვლება, რომელიც ჯერ კიდევ, გასული საუკუნის 50 წლებში, გარეუბნად ითვლებოდა.  მიუხედავად იმისა, რომ ვაკეში, თითქმის წარმოუდგენელიც კია ახალი ნაგებობების აშენება, სამშენებლო კომპანიები მაინც ახერხებენ და ახალ შენობებს დგავენ. მშენებლობის ნებართვას კი სახელწმიფო, ოფიციალურად აძლევთ. ამ მშენებლობების ბუმს ხშირად ვაკის “ფილტვებად” წოდებული სკვერები ეწირება. ერთ დროს, ვაკის უბნის სავიზიტო ბარათი – ვაკის პარკი, გაცხოველებული მშენებლობების გამო ნელ-ნელა კარგავს ტერიტორიებს და შესაბამისად, ვაკის მაცხოვრებლები სუფთა ჰაერს და დასასვენებელ ადგილს. Read the rest of this entry »

ოლიკო ცისკარიშვილი

მსოფლიო მნიშვნელობის ძეგლი ძუძუანას გამოქვაბული, ჭიათურის მუნიციპალიტეტის სოფელ მღვიმევის ტერიტორიაზეა. თუ, აქამდე ჩეხეთის აღმოჩენებით ითვლებოდა, რომ უძველესი ქსოვილი ადამიანმა 29 ათასი წლის წინ დაამზადა, ჭიათურის გათხრებით ამ თარიღმა 34 ათას წლამდე გადაიწია. ძუძუანას მღვიმეში სამუშაოებს მეცნიერთა ჯგუფი 1996 წლიდან აწარმოებს, რომელშიც ქართველების გარდა, ამერიკელი და ებრაელი სპეციალისტებიც შედიან. ამ კვლევის მთავარი მიზანი პალეოლითის ხანის “ჰომო საპიენსის” მიგრაციის გზების დადგენა იყო. იქ აღმოჩნდა ე.წ. ზედა პალეოლითური ხანის 3,5 მეტრის სისქის ნასახლარი. მღვიმის შესწავლა საინტერესო იყო, რადგანაც აქ აღმოაჩინეს 34 000 წლის წინანდელი სელის ბოჭკო. აღმოჩენაში უდიდესი წვლილი მიუძღვის არქეოლოგ თენგიზ მეშველიანს. Read the rest of this entry »

დღეს, თიანეთის ჩრდილოეთით 32 კილომეტრში, სოფელ თხილიანაში, მიწისძვრა დაფიქსირდა. ილიას სახელმწიფო უნივერსიტეტის სეისმური მონიტორინგის ცენტრის ინფორმაციით,  მიწისძვრის ეპიცენტრი 10 კილომეტრის სიღრმეში დაფიქსირდა და მისი სიმძლავრე 3,7 მაგნიტუდას შეადგენდა.

Read the rest of this entry »

თბილისის ზოოპარკის ადმინისტრაციის ინფორმაციით, გუშინ, 9 დეკემბერს, 17:30 წუთზე, ორმა ახალგაზრდამ მტაცებლების ვოლიერის დამცავი ბარიერი გადალახა და აკრძალულ ტერიტორიაზე შეაღწია. ამკრძალავი და გამაფრთხილებელი ნიშნების მიუხედავად, ისინი დასაშვებზე ახლოს მიუახლოვდნენ ვეფხვების ვოლიერს. შედეგად, ვეფხვმა ვოლიერის შიგნიდან, თათით ერთ-ერთი ახალგაზრდისთვის ფეხის დაზიანება შეძლო. Read the rest of this entry »

ოლიკო ცისკარიშვილი

კაცხის სვეტი ჭიათურასთან ახლოსაა, ბავშვობაში ჩემი წინაპრები ამ სვეტს ეძახდნენ _ სვეტი-ცხოველი უხელოდ აშენებული. მიდიოდნენ და სვეტს სთხოვდნენ ჩვენს ჯანმრთელობას, დღეგრძელობას, კარგად ყოფნას…

მახსოვს ბებომ, როგორ გამოძერწა ჩემხელა სანთელი და მძიმე ავადმყოფობის შემდეგ ფეხით გაუყვა კაცხის სვეტისკენ გზას ჩემთან ერთად, მანამდე იდგა მუხლდაჩოქილი და ლოცულობდა, ვიდრე სანთელი ბოლომდე არ ჩაიწვა.

ადგილობრივები კაცხის სვეტს, ხან ცხვარს სწირავდნენ, ხან დედალს, ხან რას და ხან რას. ამბობდნენ ზევით, ქვით ნაკეთი სადგომიაო – ეს ჩემს ბავშვობაში. ყოველთვის მიკვირდა, როგორ უნდა ასულიყო იქ ადამიანი და ხელით გამოეთალა მაგიდა, სკამი… მერე მთასვლელები ვარჯიშობდნენ-ხოლმე და ბავშვები დიდი მონდომებით ვადევნებდით თვალყურს. წლებია, კაცხის სვეტზე არ გადავსულვარ. ახლა კი… ეკლესია აუშენებიათ, როგორც სვეტზე, ასვე ქვევით, სვეტის მახლობლად. კაცხის სვეტამდე მისასვლელი გზა ბარდნარით იყო სავსე, ახლა კი მომლოცველებს თუ უბრალოდ ტურიზმის მოყვარულებს შეუძლიათ კომფორტულად მივიდნენ სვეტამდე, ამის შესაძლებლობას კი კარგად გაკეთებული გზა იძლევა. ასიოდე მეტრში კი ტურისტებისთვის დასასვენებელი ადგილებიც ეწყობა. Read the rest of this entry »

7 დეკემბერს თსუ ეკო კლუბმა ჭიათურის მუნიციპალიტეტის სოფელ მღვიმევში არსებულ კარსტულ მღვიმეში თსუ–ს ზუსტი და საბუნებისმეტყველო მეცნიერებათა ფაკულტეტის გეომორფოლოგია–კარტოგრაფიის კათედრის ასისტენტ–პროფესორმა გიორგი დვალაშვილმა გამართა საველე ლექცია ,,მღვიმეების პრობლემები და პერსპექტივები“ ადგილობრივი საჯარო სკოლის მოსწავლეებისათვის და სტუდენტებისათვის. მღვიმეში არსებული ნარჩენებისგან, აგრეთვე ფერადი ქაღალდებისგან და იქვე სტუდენტის მიერ ძაფისგან მოქსოვილი სათამაშოებისგან აიწყო 2 მეტრი სიმაღლის ნარჩენებით შექმნილი ,,საახალწლო ხელოვნური ნაძვის ხე“.

Read the rest of this entry »