Category Archives: ეკოპრობლემა

მოამზადა ოლიკო ცისკარიშვილმა

მეცნიერებამ 1932 წლამდე არც კი იცოდა ატომის ბირთვის სტრუქტურა, მაგრამ რამდენიმე წლის შემდეგ, 1939 წელს, ფიზიკოსებმა ბირთვი გახლიჩეს. ბირთვისგან გამოყოფილი უდიდეს ენერგია 1945 წელს 6 აგვისტოს სამხედრო მიზნებისთვის გამოიყენეს. 1954 წელს კი მსოფლიოში პირველი ატომური ელექტროსადგური ამუშავდა.

უილიამ ლოურენსი, გაზეთ `ნიუ-იორკ თაიმსის~ მეცნიერული რედაქტორი, ერთადერთი ჟურნალისტი იყო, რომელიც ესწრებოდა პირველი ბირთვული გამოცდების ჩატარებას ნიუ-მექსიკოში, ნევადაში, წყნარ ოკეანეზე. თვალს ადევნებდა იაპონიის ერთ-ერთ ქალაქის ნაგასაკის განადგურებას. ნაგასაკიზე თავდასხმის დროს ლოურენსი, როგორც დამკვირვებელი იმ თვითმფრინავში იმყოფებოდა, რომელსაც აპარატურა მიჰქონდა.
მოგზაურობის საბოლოო პუნქტი.

Read the rest of this entry »

 ოლიკო ცისკარიშილი

ზუსტად 69 წლის წინ, 1945 წელს, ამერიკის პრეზიდენტმა ჰარი ტრუმენმა იაპონიის ქალაქის ატომური იარაღით დაბომბვის განკარგულება გასცა: დაიბომბოს 2 აგვისტოს შემდეგ, როგორც კი ამინდი ამის საშუალებას მოგვცემს.

ბრძანების შესრულების საშუალება 6 აგვისტოს მიეცათ. ხიროსიმის უღრუბლო ცაზე მზე ანათებდა. ქალაქი სასწაულით იყო გადარჩენილი ომის კოშმარს, თუმცა მისი მცხოვრებნი ყოველ ღამით შიშით აყურადებდნენ ქალაქის თავზე მფრინავ ამერიკელთა თვითმფრინავებს.

Read the rest of this entry »

 ოლიკო ცისკარიშვილი

დღე მეოთხე:

საქართველო უნიკალური ქვეყანაა, რომელსაც ტურიზმში განუსაზღვრელი შესაძლებლობები აქვს. ტურისტების მოსაზიდად დასავლეთ საქართველოში, გურიისა და სამეგრელოს შორის ერთი უნიკალური ტბა – პალიასტომი, რომელიც ბერძნულად ზღვის ძველ უბეს ნიშნავს. 1924 წლამდე ის მტკნარი წყლით იყო სავსე. იშვიათი შემთხვევაა, როცა ზღვასთან ასე ახლოს, მტკნარი წყლის ესოდენ დიდი ტბა იყოს სადმე. ამ წელს, სპეციალურად გათხრილი არხის წყალობით, პალიასტომი ზღვას შეუერთეს. ხოლო დიდი ღელვების და ზვირთების შედეგად, არხი გაფართოვდა და ის უკვე დიდი სრუტით უკავშირდება ზღვას. წყალიც მარილიანი გახდა.  საზრდოობს წვიმის წყლითა და შენაკადებით. მასში ჩაედინება მდ. ფიჩორა, ხოლო გამოედინება მდინარე კაპარჭინა.

სწორედ, აქ მოხვდა ის ოცი ჟურნალისტი, რომელიც მედიატურის ფარგლებში მოგზაურობს საქართველოს სხვადასხვა კუთხეში და სწავლობს, თუ როგორ მოქმედებს  კლიმატის ცვლილებები გარემოზე.

Read the rest of this entry »

ოლიკო ცისკარიშვილი

დღე მეორე: მესტია ჭალა, მდინარე მეხსირი, რომელიც ყველაზე გრძელი მდინარეა, ჭალაათის ხეობაში კიდევ ერთი მდინარე. ამ მდინარეების შეერთების შემდეგ მესტიაჭალის ხეობაა. დილაუთენია ავიყევით ჭალაათის მწვერვალისკენ გზას.

გზად უზარმაზარი ლოდები გვხვდება, ეს მყინვარიდან ჩამოტანილი ლოდებია – გვიხსნის პროფესორი გიორგი დვალაშილი. ამ ლოდების შესწავლისას დადგინდა, რომ ეს ლოდები კავკასიონიდანაა ჩამოტანილი. ერთ-ერთ ლოდის სიმაღლე 14 მეტრია. ამ ლოდების არსებობა,  იმის დასტურია, 4-5 საუკუნის განმავლობაში, როგორ შემცირდა მყინვარი.

Read the rest of this entry »

ოლიკო ცისკარიშვილი

სოფელ ჯვართან, ენგურჰესის უზარმაზარი კაშხალი, ორმოც წელზე მეტია სრული დატვირთვით მუშაობს. სწორედ, აქ შევჩერდით პირველდ, მედიატურის მონაწილე ოცი ჟურნალისტი.

კაშხალზე, წყლის ფსკერიდან 235 მეტრზე ასულებს, საიდანაც ადამიანებსა და ავტომობილებს ძლივს ავრცევდით, შიშიც არ გვიპყრობს, რომ შეიძლება წყალსაცავი გაირღვეს და წარმოუდგენელი მასშტაბის ტრაგედია დატრიალდეს… ამიტომ თამამად დავაბიჯებთ და ვტკბებით წყალსაცავის სილამაზით.

ენგური ერთ-ერთი წყალუხვობით გამორჩეული მდინარეა, არა მხოლოდ საქართველოში, მთელ კავკასიაში. მისი სიგრძე დაახლოებით 213 კილომეტრია.

Read the rest of this entry »

ოლიკო ცისკარიშვილი

ბოლო ათწლეულის განმავლობაში, საგრძნობლად გაიზარდა შესაფუთი მასალების წილი- პლასტიკა, მუყაო, ქაღალდი, ფერადი მეტალები საქართველოს ქალაქებისთვის საყოფაცხოვრებო ნარჩენების საერთო ნაკადში საგრძნობლად გაიზარდა საკვები და მცენარეული ნარჩენი, მაკულატურა, პოლიმერიული მასალები, მინა და სხვა. მინა – ისეთი ალკოჰოლური სასმელებისა და სხვადასხვა ლოუსების მოხმარების ზრდამ, რომლებიც ჩასხმულია არასტანდარტულ შუშის ბოთლებში და არ მიიღება მინის ჩასაბარებელ პუნქტებში, მკვეთრად გაზარდა მინის ნამსხვრევების რაოდენობა. ასეთი ტიპის ნარჩენების შეგროვებისა და შემდგომი გადამუშავების შედეგად მიიღება სხვადასხვა ფრაქციის მინის ფხვნილი, მინის ნაწარმი და სამშენებლო მასალები. ზოგიერთ ქვეყნებში მინის ნარჩენების განცალკევებული შეგროვებით დაკავებული არიან სპეციალიზირებული საწარმოები: ამერიკის შეერთებულ შტატებში მინის მწარმოებელ ფირმებს გააჩნიათ სპეციალური შემგროვებელი პუნქტები. ხოლო, მინის ნამსხვრევების სორტირებისა და გადამუშავების დანადგარები, როგორც წესი დამონტაჟებულია უშუალოდ მინის ქარხნებში. გერმანიაში ფირმებს, რომლებიც დაკავებულები არიან მინის ნარჩენების შეგროვებით, მინის ქარხნებში ეს ნედლეული უკვე წინასწარ დამუშავებული და შესაბამის ზომებად დამსხვრეული შეაქვთ. უნგრეთში მინის ნარჩენების, ისევე, როგორც სხვა მეორად ნედლეულს, აგროვებენ ორგანიზაციები. ნარჩენები გროვდება, როგორც სპეციალურ სტაციონალურ კონტეინერებში, ასევე აქ იყენებენ „მოძრავ“ მეთოდს, რომელიც ასევე გულისხმობს წარმოებებისა და დასახლებული უბნების რეგულარულ შემოვლებს.

Read the rest of this entry »

თბილისის 157-ე საჯარო სკოლას, რომელიც ერთ-ერთ პრესტიჟულ სკოლად ითვლება,ორი შესასვლელი აქვს -ერთი ცენტრალური, მეორე – სათადარიგო. სკოლის მოსწავლეთა და მასწავლებელთა თქმით, სათადარიგო ანუ გვერდითი შესასვლელით სარგებლობენ სკოლის მოსწავლეები, მასწავლებლები და უმწეობი, რომლებიც თითქმის ყოველ დღე დადიან სადილად,სკოლის ერთ -ერთ კორპუსში განთავსებულ უმწეოთა სასადილოში. ამ გზით მათ გაცილებით ეადვილებათ სასადილომდე მისვლა და არც სასწავლო პროცესს უშლიან ხელს. თუმცა ადგილობრივი მცხოვრებლებისა და სკოლის თანამშრომელთა განცხადებით, სკოლის მიმდებარე ტერიტორიაზე ერთ-ერთმა მოსახლემ ავტოფარეხის მშენებლობა დაიწყო. სკოლის პედსაბჭომ ოფიციალურ ორგანოებს მიმართა მერიაში, თუმცა მათ განუცხადეს, რომ ეს უკვე კერძო ტერიტორიაა და ამ პიროვნებას აქვს აშენების უფლება. თუმცა მშენებლობამ სკოლის გვერდითი შესასვლელის გაუქმება გამოიწვია. ამრიგად სკოლა დარჩა ერთი ცენტრალური შესასვლელის ამარა. რაც საფრთხის მომტანია სკოლის მოსწავლეებისთვის, მასწავლებლებისთვის, უმწეოებისთვის.

Read the rest of this entry »

დარიალის ხეობაში ევაკუაციაა. ბრძანება გამოცხადდა განგაშის სიგნალის შემდეგ. რადარებმა მყინვარზე 2- ბალიანი მიწისძვრა დააფიქსირა, სეისმობიძგების გამო, სპეციალისტები არ გამორიცხავენ, რომ შესაძლოა განმეორდეს სტიქიური მოვლენები, ამიტომ სტიქიის ზონაში მომუშავე პირებს ტერიტორია დაატოვებინეს.

Read the rest of this entry »

ეკომიგრანტების განსახლება საქართველოს ერთ–ერთი ნაკლებად შესწავლილი პრობლემაა, ეს აქტუალური საკითხია სოციალური, პოლიტიკური და ჰუმანიტარული თვალსაზრისით. ეკომიგრანტები არიან ის პირები, რომელთაც სტიქიური უბედურების გამო მოუხდათ მშობლიური ადგილების დატოვება, გადასახლება. 1980–იანი წლების დასაწყისიდან მთიანი რეგიონებიდან მიგრაციის პროცესი გააძლიერა ძლიერმა სტიქიურმა პროცესებმა, საქართველოში ეკომიგრაციების ძირითად მიზეზს წარმოადგენენ: მეწყრული, ღვარცოფული მოვლენები, მიწისძვრები და ზვავები.

Read the rest of this entry »

რამდენიმე დღის წინ, გარემოს დაცვისა და ბუნებრივი რესურსების სამინისტროში გაიმართა სამუშაო შეხვედრა, რომელიც ეხებოდა საქართველოში ქარსაცავ ზოლებთან დაკავშირებულ კანონპროექტის შემუშავებს. “ტყის დაცვისა და აღდგენის” ფარგლებში გამართულ  შეხვედრას ესწრებოდნენ დარგის სპეციალისტები და ექსპერტები.

საქართველოს მთელ ტერიტორიაზე მწვავედ დგას ქარსაცავი ზოლების სამართლებრივი მდგომარეობის, მოვლა-პატრონობისა და ფიზიკური დაცვის საკითხი. უკანასკნელ ათწლეულებში განვიტარებული პოლიტიკური და სოციალური რღვევების, ასევე არარსებული საკანონმდებლო ბაზის გამო, განადგურდა ქარსაცავი ზოლები, რომელთა როლი ქვეყნის სოფლის მეურნეობის, ტრანსპორტის, რეკრეაციის, ბიომრავალფეროვნების და მიწის დაცვის საქმეში ძალზე დიდია. დღეს დაუდგენელია ქარსაცავი ზოლების მფლობელობის, პასუხისმგებლობის, ფართობების სიდიდის და აქტუალური მდგომარეობის შესახებ ინფორმაცია.

მაგალითისთვის, ავიღოთ ოზურგეთის მუნიციპალიტეტის სტატისტიკა. ოზურგეთის მუნიციპალიტეტის ზედამხედველობის სამსახურმა 2003 წელს ჩაატარა ქარსაცავი ზოლების ინვენტარიზაცია. 1992 წლის მონაცემებით, ქარსაცავ ზოლს ოზურგეთის რაიონში ეჭირა 503,14 ჰა, (719 562 ხე). 2003 წლის მონაცემებით განადგურებულია 422 537 ძირი ხე (295 48 ჰა, ანუ არსებული ფართობის 58, 72 პროცენტი). Read the rest of this entry »