5 ივნისს მსოფლიო გარემოს დაცვის საერთაშორისო დღეს აღნიშნავს. წელს მსოფლიოს ქვეყნები ერთიანდებიან პლასტმასის ნარჩენებით დედამიწის დაბინძურების წინააღმდეგ. დღევანდელი მონაცემებით, 2050 წლისთვის ოკეანეებში თევზზე მეტი პლასტმასი იქნება. ამ მოსალოდნელი რეალობის შესაცვლელად საჭიროა თითოეული ადამიანის ჩართულობა პლასტმასის წინააღმდეგ ბრძოლაში. Read the rest of this entry »
Monthly Archives: მაისი 2018
გარემოს დაცვის საერთაშორისო დღე
ტრენინგი ეკოჰაბებში – „მწვანე სპეციალისტი – სწორად შერჩეული პროფესია“
CENN, ახალი ტექნოლოგიების ცენტრთან ერთად, აგრძელებს ტრენინგების ციკლს სკოლის მოსწავლეებისათვის „მწვანე სპეციალისტი – სწორად შერჩეული პროფესია“.
ტრენინგები უკვე ჩატარდა გორში, ახალციხესა და თელავში. ციკლი სასწავლო წლის დასრულებამდე გაგრძელდება და საქართველოს ყველა ეკოჰაბსდაფარავს. Read the rest of this entry »
ტყის ჭრაზე სანქციები აუცილებელია
ნინო ალბუთაშვილი
„გლობალ ფორესტ ვოჩი“, საქართველოში, ტყეებში არსებულ მდგომარეობას 2001 წლიდან იკვლევს. ორგანიზაციის მონაცემებით, ამ პერიოდიდან მოყოლებული, ქვეყნის მასშტაბით 8917 ჰექტარი ტყეა გაჩეხილი. არც ისე სახარბიელო მდგომარეობაა ამ კუთხით თბილისში. დედაქალაქში ხე-ტყის ჭრა ძირითადად, ეკონომიკური განვითარების ხარჯზე ხდება. გასულ წელს საზოგადოების საპროტესტო აქციების მიზეზი გახდა ყაზბეგის გამზირზე სახლის მშენებლობის დაწყებასთან დაკავშირებული ხეების ჩეხვის ფაქტი. შპს „ორბი ჯგუფი თბილის“-ის მიერ გაიჩეხა 44 ჯანმრთელი ხე. არასამთავრობო ორგანიზაცია IDFI-მ შეისწავლა ხეების ჭრის სტატისტიკა და ეკონომიკურ მოგებასთან მისი კავშირი. მათ მიერ გავრცელებული ინფორმაციის მიხედვით, 2016 წელს თბილისის მერიის ნებართვით მოჭრილ ხეებს შორის, წინა წლებთან შედარებით, მინიმუმ 5-ჯერ მეტ ხეს მიენიჭა დაზიანებულის სტატუსი. 2013 წლიდან 2016 წლის 16 აგვისტომდე სულ 583 ნებართვა გაიცა 3,552 ხის მოჭრაზე, საიდანაც დაავადებული იყო 827 ხე. სწორედ, ეს გარემოება აჩენს კითხვას, თუ რამდენად კეთილსინდისიერად ხდება დედაქალაქში ხეებისთვის დაზიანებულის სტატუსის მინიჭება. Read the rest of this entry »
საქართველოში, ტყის საფარი, გაუთავებელი ჭრების გამო, შემცირებულია
ნინო ალბუთაშვილი
მსოფლიოში ტყე ფასდაუდებელ ბუნებრივ სიმდიდრედ ითვლება, რომელსაც ცოცხალი ორგანიზმებისთვის სასიცოცხლო მნიშვნელობა აქვს. ტყის საფარი დედამიწის ზედაპირის 30% მოიცავს. საქართველოში, ტყეს, ქვეყნის საერთო ტერიტორიის დაახლოებით 40 % უკავია. ბიოსფეროში ტყე უმნიშვნელოვანესი ფაქტორია, გავლენას ახდენს ჟანგბადის და ნახშირბადის ბალანსზე, ასუფთავებს ჰაერს, არეგულირებს წყლის ნაკადებს, იცავს ნიადაგს ეროზიისგან, მოკლედ რომ ვთქვათ, თითოეული ადამიანისთვის ჯანსაღი სიცოცხლის, ჯანმრთელობისა და სიმშვიდის ხელშემწყობია.
მომწამლავი პლასტმასი
თამარ ბებია
იცოდით თუ არა, რომ პლასტმასი, რომელსაც ადამიანები ყოველდღე ვიყენებთ შემდეგ კი ნარჩენებად ვაქცევთ, ბუნებრივად არ იხრწნება. საქართველოში მისი გადამამუშვებელი სექტორი არ არის განვითარებული და ადგილობრივ ბაზარზე, მისი სეპარირებული შეგროვება სხვადასხვა პროექტის სახით მიმდინარეობს. საყოფაცხოვრებო ნაგვის 11%-ს სწორედ პლასტმასის ნარჩენი წარმოადგენს. Read the rest of this entry »
ჰიდროელექტროსადგურებიდან ენერგიის მიღება მოძველებული მიდგომაა
მარიამ ქავთარაძე
უკანასკნელი პერიოდის განმავლობაში კი სულ უფრო მეტს მსჯელობენ იმ საკითხზე თუ რამდენად საჭიროა საქართველოში დიდი თუ მცირე ჰესების აშენება, მათ შორის ისეთების როგორიცაა: ხუდონ ჰესი ან ნენსკრა. ამ იდეას თავისი მომხრეები და მოწინააღმდეგეებიც ყავს, შესაბამისად იმისა თუ რა სიკეთეს ან უარყოფით შედეგს გულისხმობს ამა თუ იმ ჰესის აშენება. Read the rest of this entry »
თამბაქოს კონტროლი საქართველოში
თამარ ბებია
კანონის „თამბაქოს კონტროლის შესახებ“, 2018 წლის პირველი მაისიდან უკვე ძალაშია. ჯანმრთელობის ეროვნულ ცენტრში ამბობენ, რომ კანონი ითვალისწინებს მომავალი თაობის, სიცოცხლის გადარჩენას და მათი ჯანმრთელობის უფლების უზრუნველყოფას. კონტროლის ახალი კანონმდებლობის მიზანი, თამბაქოს მეორადი კვამლის, ნეგატიური ზემოქმედებისაგან, თითოეული ჩვენთაგანის დაცვაა. სტატისტიკური მონაცემებით, საქართველოში, თამბაქოს მეორადი კვამლის ზემოქმედებით, ყოველწლიურად 3000-მდე ადამიანი იღუპება, რადგან ის 7000-ზე მეტ მავნე ნივთიერებას შეიცავს და საკმაოდ სერიოზულ დაავადებებსაც იწვევს, როგორიცაა: ფილტვის კიბო, გულის დაავადებები, ასთმის შეტევების გამწვავება და ა.შ. თამბაქოს მეორადი კვამლი, ასევე სერიოზულ საფრთხეს უქმნის ბავშვების როგორც ჯანმრთელობას, ასევე სიცოცხლეს და მათთვის უეცარი გარდაცვალების სინდრომის მთავარ მიზეზსაც წარმოადგენს. აქედან გამომდინარე, კანონის მთავარი მიზანია ეფექტურად დაიცვას არამწეველები და განსაკუთრებით ბავშვები, თამბაქოს მეორადი კვამლის ზემოქმედებისაგან. Read the rest of this entry »
ხანძრები, ძირითადად, ადამიანის დაუფიქრებელი ქმედებების ბრალია
ნინო ალბუთაშვილი
ბორჯომში, საკირის ტყეში, კერძოდ, „ხრამითხევში“, 30 აპრილს, საღამოს ექვს საათზე, ხანძარი გაჩნდა. გავრცელებული ინფორმაციით, ხანძრის დაწყებისთანავე ადგილზე მობილიზებული იყო სახანძრო სამაშველო გუნდი. ცეცხლის ლოკალიზება, თავდაპირველად, გართულდა, რადგან ადგილი – მიუვალია, რასაც ქვის ცვენაც ერთვოდა. ტელევიზია – „ბორჯომის“ ჟურნალისტი – ნინო ვართაპეტიანის ინფორმაციით, სამცხე-ჯავახეთის სატყეო სამსახურმა გაავრცელა ინფორმცია, რომ ამჟამად, ხანძარი ლოკალიზებულია და მიმდინარეობს ლიკვიდაცია. მან ასევე აღნიშნა, რომ ხანძრის ადგილას ჟურნალისტებს არ უშვებენ, მათივე უსაფრთხების მიზნით. ამჟამად, ხანძრის გავრცელების საშიშროება არ არსებობს და იმედოვნებენ, რომ დღის ბოლომდე მოხდება ხანძრის ლიკვიდაცია. ტყეს, რომელსაც ცეცხლი გაუჩნდა – შერეულია. ხანძარმა გაანადგურა, დაახლოებით, ნახევარი ჰექტარი – ხე-ტყე. პროცესში რეგიონის სამართველო სამსახურია ჩართული, თბილისიდან ჩასულია 25 კაციანი ჯგუფი, შესაძლოა შემდგომ ადამიანური რესურსი დაიმატონ, მათი თქმით ტექნიკის ჩართვა აუცილებელი არ გახდა, ძირითადად ადამიანური რესურსით ხდება ლოკალიზება. Read the rest of this entry »
ეკოფაქტი 