დიდუბის საგამოფენო ცენტრის მე-6 პავილიონში გაიმართა კონფერენცია „ტურიზმის განვითარების პერსპექტივები საქართველოში” . კონფერენციის ორგანიზატორები იყვნენ საქართველოს ათი უმაღლესი სასწავლებელი და საქართველოს ტურიზმის ადმინისტრაცია. ორგანიზატორების განცხადებით, მსგავსი ტიპის კონფერენცია, ტურიზმის სფეროში ჯერ არ ჩატარებულა. კონფერენციაზე, საქართველოს ტურიზმის ადმინისტრაციის ხელმძღვანელმა გიორგი ბრეგვაძემ განაცხადა, რომ ამ კონფერენციას აუცილებლად მოჰყვება მეორე, მესამე და ა.შ. მისი აზრით, დღეს, ტურიზმი საკმაოდ განვითარებულ საფეხურზეა და შესაბამისად მოთხოვნაც მეტია. გიორგი ბრეგვაძე ვარაუდობს, რომ უფრო მეტად გააქტიურდებიან ახალგაზრდები და თანაორგანიზატორები, რომლებიც ტურიზმის ადმინისტრაციასთან ერთად, საქართველოს ტურიზმის განვითარების პროგრამებს შეიმუშავებენ.
Category Archives: ტურიზმი
კონფერენცია – „ტურიზმის განვითარების პერსპექტივები საქართველოში”
გერგეტის სამება ყველაზე ლამაზი ეკლესიების სიაში
ბრიტანულმა გაზეთმა “ტელეგრაფმა” გერგეტის სამების ეკლესია ყველაზე ლამაზ ეკლესიათა რიცხვში შეიყვანა.
თუშეთში ტურისტული ბილიკები მოინიშნება და შეკეთდება ხიდები
თუშეთის დაცული ლანდშაფტის საზოგადოებასთან ურთიერთობის სამსახურის ცნობით, დღეს, ჩეხი ექსპერტები სამუშაო შეხვედრას მართავენ თუშეთის დაცული ლანდშაფტის ადმინისტრაციასთან და ეროვნული პარკის ადმინისტრაციასთან.
საქართველო – სპეციალური სტატუსით IWINETC 2015-ზე
ღვინის ტურიზმის ყოველწლიური საერთაშორისო კონფერენცია (IWINETC)წელს მეშვიდედ, საფრანგეთში, შამპანის რეგიონში, გაიმართება 8-9 აპრილს, ხოლო 10 აპრილს ჩატარდება სამუშაო შეხვედრა პროფესიონალთა მონაწილეობით. წლევანდელი IWINETC-ის მთავარი მიმართულებები იქნება – პროფესიული განვითარება, კვლევა, ბრენდინგი და მარკეტინგი, ქსელური კომუნიკაცია და სხვ.
ღვინის ტურიზმის ყოველწლიური საერთაშორისო კონფერენცია, გამოფენა და სამუშაო შეხვედრა ყოველ გაზაფხულზე ღვინისა და კულინარიული ტურიზმის მთავარი მოვლენაა მსოფლიოს მასშტაბით. ორდღიან ღონისძიებაზე, რომელიც მოიცავს სხვადასხვა თემატიკის 30-მდე დისკუსიას, სიმპოზიუმებსა და სამუშაო შეხვედრებს, როგორც წესი, წარმოდგენილია, 300-ზე მეტი ღვინო, 45-ზე მეტი ქვეყნიდან.
ღვინის ფესტივალი 2015
2015 წელს საქართველოს ღვინის კლუბი უკვე მეექვსედ გაუძღვება ახალი ღვინის ფესტივალს, რომელიც მიზნად ისახავს ქართული ღვინის პოპულარიზაციას, საქართველოში ღვინის განათლების დონის ამაღლებასა და სამომხმარებლო კულტურის გაზრდას. ახალი ღვინის ფესტივალის ტრადიციული, საჯარო ნაწილი წელს 9 მაისს, დედაენის ბაღში ჩატარდება და მასში წარმოდგენილი იქნება 2014 წლის მოსავლის ახალი ღვინოები.
მღვიმე ,,აკაკი წერეთელი”
აკაკი წერთლის დაბადებიდან 175 და გარდაცვალებიდან 100 წლისთავთან დაკავშირებით, იმერეთში, ახალ აღმოჩენილ კარსტულ მღვიმეს ეწოდა ქართველი მგოსნის, აკაკი წერეთლის, სახელი. ახალი მღვიმე “აკაკი წერეთელი” 23 თებერვალს გამოიკვლია ივ. ჯავახიშვილის სახელობის თბილისის სახელმწიფო უნივერსიტეტის გეომორფოლოგია, კარტოგრაფიის კათედრის ასისტენტ პროფესორმა გიორგი დვალაშვილმა. მღვიმე მდებარეობს მდინარე ყვირილას მარცხენა მხარეს, საჩხერის მუნიციპალტეტის სოფელ სარეკის ტერიტორიაზე. სოფელ სარეკის მაცხოვრებელ ბიძინა აბჟანდაძის საკარმიდამო ნაკვეთთან ახლოს არსებული კლდოვან ფარდულში.
თბილისის ერთ-ერთი სავიზიტო ბარათი – თბილისის სახელმწიფო საკონცეტრო დარბაზი
ოლიკო ცისკარიშვილი
მელიქიშილი ქუჩა ამ უზარმაზარი შენობით იწყება, რომელიც გასული საუკუნის 1971 წელს გაიხსნა – ეს მრგვალი ფორმის შენობა საქართველოს სახელმწიფო ფილარმონიაა და მისი მშენებლობა 1961 წელს დაიწყო. ამ საოცარი ნაგებობის არქიტექტორია ი. ჩხენკელია. მელიქიშვილის და ლენინის ქუჩების კუთხეში იდგა 1928 წელს აშენებული კოოპერატორთა სამსართულიანი სახლი “ალიონი”. ფილარმონიის ვესტიბიული ელგუჯა და მერაბ ბერძენიშვილებმა გააფორმეს. დიდი დარბაზი 2317 მაყურებელს იტევდა, მცირე დარბაზი კი 662 მაყურებელს. დიდი საკონცერტო დარბაზის კედლები, რომელიც ახლა 2300 მაყურებელს იტევს, ხშირად ყოფილა უდიდესი ემოციებისა და აპლოდისმენტების მომსწრე. „თბილისის სახელმწიფო საკონცერტო დარბაზი“ საქართველოში არსებული ყველაზე დიდი საკონცერტო დარბაზია და აქ იმართება ყველაზე გრანდიოზული კონცერტები და გასართობი შოუები, ჯაზ – ფესტივალები და ა.შ.
ქართველ მეკლდეურებს ყურადღება სჭირდებათ
ოლიკო ცისკარიშვილი
ვერის პარკში, ჭადრაკის სასახლის პირველ სართულზე, განთავსებულია მეკლდეურთა და ალპინისტთა კლუბი. გასული საუკუნის 70-იან წლებში, როცა გადაწყდა, აქ შენობის აგება, პირველი სართული მეკლდეურებს დაუთმეს, მეორე კი ჭადრაკს. მაშინ, საქართველოში, ორივე სპორტის სახეობა განთქმული იყო, თუმცა ჭადრაკი უფრო პოპულარული. სავარაუდოდ, შენობის გადაცემისას ამ ფაქტორმა გადაწყვიტა ის მომენტი, რომ მოჭადრაკეებს ორი სართული ერგოთ.
საქართველოზე შეყვარებული მამულიშვილების სახლ-მუზეუმები ვერაზე
ოლიკო ცისკარიშვილი
წილხვდომ სიკვდილს თუ ვუმზერდე ავად, მაშინ ნამუსის ქუდი გავთელო, ჩემი სამშობლო ზეცაა თავად, შემდეგ ეს მიწა და საქართველო. – მერაბ კოსტავას კრედო.
ვერაზე, ტურისტებმა კი არა ბევრმა ქართველმა არ იცის, რომ რამდენიმე საინტერესო მუზეუმია.
საქართველოს ერთიანობისთვის და დამოუკიდებლობისთვის ბრძოლის სულისჩამდგმელის, ეროვნული გმირის, მერაბ კოსტავას მუზეუმი უძველეს, ორი საუკუნის სახლში, ვერაზე, ზანდუკელის პირველ ნომერში მდებარეობს. მერაბ კოსტავა, რომელიც დაიბადა 1939 წლის 26 მაისს, იყო ქართველი დისიდენტი, მუსიკათმცოდნე, პოეტი, საზოგადო მოღვაწე, საქართველოს ეროვნულ-განმათავისუფლებელი მოძრაობის ლიდერი, საქართველოს ეროვნული გმირი, რომელიც ტრაგიკულად, საეჭვო ვითარებაში, ავტოკატასტროფაში დაიღუპა 1989 წლის 13 ოქტომბერს და პატივით მიაბარეს მთაწმინდის მწერალთა და საზოგადო მოღვაწეთა პანთეონის მიწას.
გასულ საუკუნის დასაწყისში, აქ ადამიანებს ხვრეტავდნენ და იქვე ასაფლავებდნენ
ოლიკო ცისკარიშვილი
“ვაკის სტადიონი” ხშირად ასე მოიხსენიებენ, მიხეილ მესხის სახელობის ვაკის სტადიონს, რომელიც ფეხბურთის ფედერაციას 2009 წელს, 49 წლიანი იჯარით გადასცა, წინა ხელისუფლების დროს, თბილსის მერიამ, კერძოდ კი, გიგი უგულავამ. ამაში არაფერი იქნებოდა საგანგაშო, რომ არა ის ფაქტი, რომ ხელშეკრულების მიხედვით, სტადიონი მხოლოდ ფეხბურთის გუნდებს ეკუთვნით და საქვეყნოდ ცნობილი და განთქმული მერაგბეები სტადიონის გარეშე დარჩნენ. რომ არა ფეხბურთის ფედერაციის კეთილი ნება, რაგბი ამ სტადიონზე ვერ გაიმართებოდა. ხან მინიმალურ თანხას იხდიან, ხან კი სულ უფასოდაც თამაშობენ და ერკინებიან საქართველოს მორაგბეთა გუნდი სხვადასხვა ქვეყნებიდან ჩამოსულ მოწინააღმდეგებს. Read the rest of this entry »
ეკოფაქტი 