გამოიცა ოლიკო ცისკარიშვილის კიდევ ერთი წიგნი, მონოგრაფიული ნაშრომი “თანამედროვე სოციალური პროცესები და ქართული მედია”. წიგნი იმ თაანამედროვე პროცესებს ეხება, რომლის გამოწვევების წინაშე დგას თანამედროვე ქართული საზოგადოება.

ნაშრომი ,,თანამედროვე სოციალური პროცესები და ქართული მედია“ „ჩემი გამომცემლობის“ პირველი წიგნია და ამით “ჩემი გამომცემლობაც” ცდილობს საგამომცემლო ბაზარზე ადგილის დამკვიდრებას.

წიგნი კი გიპასუხებთ კითხვაზე, რომელიც ყოველდღიურად გიჩნდებათ: რატომ განიცდის ქართული ჟურნალისტიკა კრიზისს და როგორ აირეკლება ეს საზოგადოებრივ ღირებულებებზე?

წიგნის ავტორმა, სოციალური ფონის შესასწავლად, საქართველოს ყველა კუთხე მოიარა და მოიპოვა მასალა (მათ შორის, აფხაზეთიდან) იმაზე, თუ რა პრობლემების წინაშე დგას ადგილობრივი მოსახლეობა და რა კავშირშია ამასთან მედია.

წიგნი საინტერესოა მედია მკლევარებისთვის, ჟურნალისტებისთვის, სტუდენტებისთვის და ყველასთვის, ვისაც ფიქრი არ ეზარება.

წიგნის რედაქტორები არიან პროფესორი ირმა კეცხოველი და ფილოლოგი ინგა გამსახურდიშვილი, რეცენტები კი პროფესორი რუსუდან ლორთქიფანიძე და პროფესორი ეკა თხილავა

წიგნის შეძენა შეგიძლიათ 💚  რუსთაველის 16-ში (თბილისი).

რაც შეეხება “ჩემი გამომცემლობა”-ს მისი დამფუძნებლები ამბობენ, რომ “მიუხედავად იმისა, რომ ცხოვრების ყველა სფეროსთვის სარისკო პერიოდია, თამამი ნაბიჯი გადავდგით საგამომცემლო ბაზარზე შესასვლელად. თუმცა დარწმუნებულები ვართ – ერთად ყველაფერი გამოგვივა! „ჩემი გამომცემლობის“ მობილური გუნდი მზად არის მოგეხმაროთ წიგნის ან სხვა ბეჭდური პროდუქტის შექმნაში. ვეცდებით, ეს ხარისხიანად და გემოვნებით გავაკეთოთ. გვჯერა, რომ სწორედ ასე შევძლებთ საზოგადოებაში წიგნისადმი, კითხვისადმი ინტერესის შენარჩუნებას, წიგნიერების დონის გაზრდას და ნებისმიერი ასაკისთვის აუცილებელი ცოდნის გაზიარებას. ამჟამად თქვენს სამსახურში მხოლოდ ონლაინ ვიქნებით. გამოცემულ წიგნებს კი წიგნების მაღაზიებიდანაც მოგაწვდით. ჩვენი სერვის პაკეტებისა და ცინცხალი გამოცემების შესახებ დროდადრო აქ დავპოსტავთ. თვალი გვადევნეთ! ჩვენ ზუსტად ვიცით: თქვენი და „ჩემი გამომცემლობის“ ერთობლივი შრომა კარგ შედეგს გამოიღებს.”

“ჩემი გამომცემლბის” შემოქმედებითი ჯგუფი, მკითხველებსა და ავტორესბს სხვადასხვა სიურპიზს პირდება და მომსახურების განსაკუთრებულ პაკეტსაც სთავაზობს.