დღეს, 14 დეკემბერს ივანე ჯავახიშვილის თბილისის სახელმწიფო უნივერსიტეტში ზუსტი და საბუნებისმეტყველო მეცნიერებათა ფაკულტეტის გეოგრაფიის და ეკოლოგიის სპეცილობის სტუდენტების მიერ შექმნილი ,,თსუ-ეკო კლუბის“ ორგანიზებით გაიმართა შეხვედრა,  „ნუ მოჭრი წიწვოვან მცენარეს“ –  ხეების საახალწლოდ  ჭრასთან დაკავშირებით.

შეხვედრაზე განიხილეს ხეების ჭრასთან დაკავშირებული პრობლემის ყველა მნიშვნელოვანი დეტალი. გაკეთდა პრეზენტაცია, გაიმართა მოსწავლეებსა და სტუდენტებს შორის დებატები არსებული ვითარების გამოსწორებისა და შეცლისათვის. ჩატარდა ეკო კლუბის წევრ მოსწავლეთა კონკურსი, სადაც მოსწავლეებმა წარმოადგინეს საკუთარი შესაძლებლობებით გაკეთებული ნაძვის ხეები. დაგეგმილია თსუ–ში  მოსწავლეთა მიერ შექმნილი ნაძვის ხეების გამოფენა, აგრეთვე 19 დეკემბერს ,,ეკო–კლუბი“ გეგმავს აქციას ქალაქ ბორჯომში ნაძვის ხეების დაცვისა და გადაჩენის მიზნით.

ხელოვნური ნაძვის ხეები შექმნეს: სკოლა-ლიცეუმ „სინათლეს“ მოსწავლეებმა: ნათია კაპანაძემ, ელენე ტაბატაძემ, გიგი კურტანიძემ   და თეონა მამათაშვილმა, თბილისის 99-ე საჯარო სკოლიდან: ნინა ეგნატაშვილმა, სალომე ჯეჯეიამ, თამარ ოქროპირიძემ და ნინო ოდიშერაშვილმა, ხოლო თბილისის 175-ე საჯარო სკოლიდან ელეონორა ჭანიამ. სკოლა ,,მომავლიდან“ მარიამ ჯოხარაძემ. განსაკუთრებით სიანტერესო ხელოვნური ნაძვის ხეები შექმნა თსუ–ს ზუსტი და საბუნებისმეტყველო მეცნიერებათა ფაკულტეტის გეოგრაფიის დეპარტამენტის სტუდენტმა მარიამ სიჭინავამ.