გარემოს დაცვის მინისტრი ხათუნა გოგალაძე ნიდერლანდების სამეფოს ეკონომიკური ურთიერთობების, სოფლის მეურენეობისა და ინოვაციების სამინისტროს მრჩეველს ბატონ რობ კრამერს შეხვდა. შეხვედრას აგრეთვე ესწრებოდნენ: გარემოს დაცვის მინისტრის პირველი მოადგილე ნინო შარაშიძე და გარემოზე ზემოქმედების შეფასების ნიდერლანდების კომისიის ტექნიკური მდივანი არენდ კალჰოლფი. შეხვედრაზე განიხილეს ის პროექტები, რომლებიც ჰოლანდიის მთავრობის დახმარებით საქართველოში წარმატებით მიმდინარეობს. ასევე განსაზღვრეს და დაგეგმეს მომავალი თანამშრომლობა, რომელიც საქართველოში გარემოზე ზემოქმედების შეფასების (გზშ) არსებული სისტემის შესწავლას, მისი სრულყოფისა და ევროსტანდარტებთან მიახლოების საჭირო ქმედებების თაობაზე რეკომენდაციების მომზადებას გულისხმობს.