შაბათს, 4 თებერვალს, ლივერპულში გაყინული წვიმა მოვიდა. ეს გამოიწვია დიდი ბრიტანეთის უჩვეულო ამინდმა. წვიმის გაყინვა ძალზე იშვიათია დიდ ბრიტანეთში. ლივერპულელი ნიკ როვლანდი ამბობს, რომ 20 წლის განმავლობაში გაყინული წვიმა 2-ჯერ ნახა.
დიდი ბრიტანეთისთვის თბილი ამინდი ჩვეულებრივი მოვლენაა. ჰაერის მასები მექსიკის ყურედან მოდის, გადაკვეთავს ატლანტის ოკეანეს და თბილი რჩება. თუმცა, ამ ბოლო დღეების განმავლობაში, როგორც ევროპის ყველა ქვეყანაში, დიდ ბრიტანეთშიც მკვეთრად დაეცა ჰაერის ტემპერატურა, აღმოსავლეთის ევროპიდან წამოსულმა ცივი ჰაერის მასებმა ტემპერატურის ნულს ქვემოთ დაცემა გამოიწვია. ასეთი ამინდი იყო ლივერპულში, როცა დასავლეთიდან წამოსული თბილი ჰაერის მასები შეეჯახა ცივ ამინდს და ცაში ფიფქები გამოჩნდა. ეს თოვლი, როგორც კი მოხვდა თბილი ჰაერის მასებში, ჯერ წვიმად მოვიდა,მაგრამ შემდე წვიმა ყინულად გადაიქცა, როცა მიაღწია ცივ ჰაერს მიწასთან ახლოს.
ეკოფაქტი 