ძლიერი მიწისძვრა საბერძნეთში. 6,4 მაგნიტუდის სიმძლავრის ბიძგები ეგეოსის ზღვის ჩრდილოეთით დაფიქსირდა.
Category Archives: გარემო
მიწისძვრა საბერძნეთში
დარიალის ხეობაში, მაშველებმა გარდაცვლილი იპოვნეს
შსს-ს საგანგებო სიტუაციების მართვის დეპარტამენტის თანამშრომლებმა დარიალის ხეობაში, საავტომობილო გზაზე, მეწყერის შედეგად ჩამოშლილი ქანობის მასის ქვეშ მოყოლილი კიდევ ერთი სატვირთო ავტომანქანა აღმოაჩინეს. საავტომობილო გზის ნაშალი მიწისგან გაწმენდის შედეგად მაშველებმა სატვირთო მანქანის ნაწილები ამოიღეს და სავარაუდოდ, ავტომანქანის მძღოლის ცხედარს მიაგნეს. სხეულის დაზიანებების გამო პიროვნების ამოცნობა შეუძლებელია. ნაპოვნი სატვირთო მანქანის აღწერილობა და მონაცემები გადაეცა კრიზისების მართვის საბჭოს საგანგებო შტაბს. მიმდინარეობს მძღოლის იდენტიფიცირება. ამ დროისთვის დაკარგულად ითვლებოდა 6 პირი. მიმდინარეობს საძიებო-სამაშველო სამუშაოები 5 პიროვნების საპოვნელად.
შსს-ს საგანგებო სიტუაციების მართვის დეპარტამენტის მაშველებმა დარიალჰესის გვირაბში საძიებო სამუშაოები ჩაატარეს
შსს-ს საგანგებო სიტუაციების მართვის დეპარტამენტის თანამშრომლებმა დარიალჰესის გვირაბში საძიებო-სამაშველო ოპერაცია ჩაატარეს. მეწყერის შედეგად გვირაბში დაგუბებული წყალი დააშრეს და შსს-ს მაშველებმა გვირაბის ორივე განტოტვა მთელ სიგრძეზე დაათვალიერეს.
ეკოფაქტი ოთხი წლისაა :)
დღეს, ეკოფაქტი, ოთხი წლის გახდა…
დიდი მადლობა ყველას, ვისაც სჯერა ჩვენი, დიდი მადლობა ეკოფაქტის გულშემატკივრებს და მის მკითხველებს. უთქვენოდ, დიდი ხნის წინ დავყრიდი ფარ-ხმალს…
გლაციალური ღვარცოფი დევდორაკის ხეობაში
მყინვარი დევდორაკი, ფართობი 7.55 კმ2-ია ხეობის ტიპის მყინვარია, იგი იწყება მყინვარწვერის მასივის ჩრდილო-აღმოსავლეთ კალთაზე და გრძელდება 7 კმ-ის მანძილზე. მყინვარის ენა ეშვება ზღვის დონიდან 2330 მ-ზე. დევდორაკის მყინვარი ცნობილია თავისი მძლავრი ყინულოვანი ჩამოზვავებით რომელიც აღინიშნა 1776, 1778, 1785, 1808 და 1817 წწ. მძლავრი ჩამოზვავება მოხდა 1832 წელს, როდესაც ყინულოვანმა ზვავმა დააგუბა მდ. თერგი და მისი დინება შეაჩერა 8 საათით. ჯებირის გარღვევის შემდეგ გლაციალურმა ღვარცოფმა დიდი ზიანი მიაყენა ქ. ვლადიკავკაზს.
მუყაოს “ოცნების ქალაქი” ერთი წლის შემდეგ
ოლიკო ცისკარიშვილი
ბათუმთან ახლოს, ხელვაჩაურში, ფრიდონ ხალვაშის ქუჩაზე, ყოფილ 53 სამხედრო ნაწილის ტერიტორიაზე სასწრაფო დახმარების ბრიგადა ნახევარი საათის დაგვიანებით მივიდა. გოგონა შეუძლოდ გახდა და ადგილობრივებმა ვერ მოახერხეს მისი მდგომარეობიდან გამოყვანა. აქ ხშირად დადის სასწრაფო, ნერვიულ შეტევებსა და გულის უკმარისობებს, თუ არ ჩავთვლით, ავადმყოფობისგან საწოლს მიჯაჭვულებიც არიან. აქ ხომ ის ადამიანები ცხოვრობენ, რომლებიც ცხოვრების ორომტრიალს და უსამართლობას ვერ გაუმკლავდნენ.
დევდორაკის ხეობაში რამდენიმე საგუშაგო შეიქმნა
შინაგან საქმეთა მინისტრი ალექსანდრე ჭიკაიძე მესამე დღეა დარიალის ხეობაში, სტიქიის ადგილას იმყოფება და პრემიერ-მინისტრ ირაკლი ღარიბაშვილის დავალებით საგანგებო შტაბს ხელმძღვანელობს.
შინაგან საქმეთა მინისტრის დავალებით, მდინარე დევდორაკის ხეობის ყველაზე მაღალ წერტილებში შექმნილია რამდენიმე საგუშაგო. საგუშაგოებზე შსს-ს საგანგებო სიტუაციების მართვის და სასაზღვრო პოლიციის დეპარტამენტების თანამშრომლები იმყოფებიან. ისინი მეწყერსაშიშ ზონებს აკვირდებიან. საფრთხის არსებობის შემთხვევაში, რადიოკავშირით დაუყოვნებლივ აცნობებენ ხეობაში, ქვემოთ მდებარე საგუშაგოზე მყოფ საპატრულო პოლიციის და საგანგებო სიტუაციების მართვის დეპარტამენტის თანამშრომლებს, რათა დროულად მოხდეს მეწყერსაშიში ზონიდან მძიმე ტექნიკისა და იქ მომუშავე პერსონალის ევაკუირება, რომლებიც ადგილზე საძიებო-სამაშველო და გაწმენდით სამუშაოებს აწარმოებენ.
გეოლოგიურად საშიშ ზონაში მცხოვრებ სოფელ გოგინიძეებს დროულად სჭირდებათ შველა
ოლიკო ცისკარიშვილი
“ყავას ვსვამდით, აპრილის საღამო იყო, თუმცა თოვლი იდო, გუგუნუ გავიგეთ, თავიდანვერ მივხვდით რა ხდებოდა, მანქანის ან ტრაქტორის ხმა გვეგონა, გარეთ ნარდი უნდა ეთამაშათ ბავშვებს. მერე სახურავთან ახლოს, ისეთი ხმა იყო უკვე, მეგონა სახურავზე თვითმფრინავი ჯდებოდა. შიგნით შევედი. კართან მიწა იყო შემოყრილი, თურმე ჯერ მტვერი მოდის, ფანჯარაში რომ გავიხედე, მოდის, ხეები, მიწა… მზის სხივებში, ზღვის ტალღებივით ლივლივებდა, კარები დავხურე, შიგნით რომ არ შემოსულიყო, შიშმა ისე დამაბნია, რომ ვერ მოვიფიქრე, გარეთ გავსულიყავი. მაშინ დიდი თოვლი იყო, დნებოდა, ვალინკებში გვიცვივოდა, ოთხი საათი სველი ფეხი გვქონდა, მივდიოდით და მოგვდევდა გუგუნი, მეგონა, უკან მომდევდა, ამ შიშით ვცხოვრობთ დღემდე, ყოველი წვიმისას…,” – ყვება ისაკაძე ქეთინო, 2012 წლის აპრილის ავბედით საღამოს აჭარელი, ქედის მუნიციპალიტეტის სოფელ გოგინიძეების მკვიდრი. მაშინ, მაშველებს 20 დღის განმავლობაში არ მიუტოვებიათ სოფელი. Read the rest of this entry »
შინაგან საქმეთა მინისტრმა მეწყერსაშიშ ზონაში მიმდინარე სამუშაოები დაათვალიერა
შინაგან საქმეთა მინისტრი ალექსანდრე ჭიკაიძე პრემიერ-მინისტრის ბრძანებით საგანგებოდ შექმნილ შტაბს ხელმძღვანელობს. მინისტრი აგრძელებს მუშაობას დარიალის ხეობაში, ადგილზე დაათვალიერა მეწყერის ზონაში მიმდინარე სამუშაოები და პრევენციული ღონისძიებები დაგეგმა.
დარიალის ხეობაში საძიებო-სამაშველო ოპერაციები გრძელება
შსს-ს საგანგებო სიტუაციების მართვის დეპარტამენტის თანამშრომლები, დარიალის ხეობაში ჩამოწოლილი მეწყერის ზონაში საძიებო-სამაშველო სამუშაოებს 24 საათიან რეჟიმში ახორციელებენ.
შინაგან საქმეთა მინისტრი ალექსანდრე ჭიკაიძე შემთხვევის ადგილზე იმყოფება. მინისტრმა საგანგებოდ შექმნილ შტაბში თათბირი ჩაატარა. ადგილზე იმყოფებიან შსს-ს საგანგებო სიტუაციების მართვის დეპარტამენტის დირექტორი ზვიად ქაწაშვილი, სასაზრვრო ჯარების დეპარტამენტის უფროსი ზურაბ გამეზარდაშვილი და სხვადასხვა სამაშველო ჯგუფების ხელმძღვანელები. შსს-ს მაშველებს სამაშველო სამუშაოების წარმოებაში ეხმარებიან საპატრულო პოლიციის დეპარტამენტისა და სასაზღვრო პოლიციის დეპარტამენტის თანამშრომლები.
ეკოფაქტი 