გამოვიდა “ჩემი გამომცემლობის” ოშოს „ზარატუსტრა: გზა აღმასვლისაკენ“ საუბრები ფრიდრიხ ნიცშეს წიგნზე „ასე იტყოდა ზარატუსტრა“. მთარგმნელის აზრით, ეს არის წიგნი, რომელსაც ადამიანების მხოლოდ ერთი პროცენტი გაიგებს,

მხოლოდ ის ვინც უზომოდ გონიერი და ჭკვიანია. „მხოლოდ მას შეუძლიათ ამ წიგნის გაგება, ისევე, როგორც ნიცშეს „ასე იტყოდა ზარატუსტრა“ ვერ გაიგო ადამიანთა უმრავლესობამ. ვფიქრობ, რომ ზუსტად ასე ვერ ჩასწვდება ამ წიგნსაც ბევრი, თუმცა რომ გაიგოს და გაიაზროს ამ წიგნის შინაარსი, რთული და გაცნობიერებული გზა უნდა გამოიაროს. და რაც მთავარია: ძალიან ნაკითხი უნდა იყოს. – ამბობს წიგნის მთარგმნელი ოლიკო ცისკარიშვილი. წიგნის რედაქტორია ინგა გამსახურდიშვილი.

წიგნი უკვე გაყიდვაშია და დაინტერესებულ მკითხველს შეუძლია შეიძინოს თბილისში, რუსთაველის 16-ში მდებარე წიგნის მაღაზიაში. უახლოეს მომავალში წიგნი შევა “ბიბლუსის” ქსელში და მთელი საქართველოს მასშტაბით იქნება შესაძლებლობა მისი ყიდვის.