RSS

გამოიცა ოლიკო ცისკარიშვილის წიგნი “ფოტოჟურნალისტიკა”

21 სექ

დაიბეჭდა ოლიკო ცისკარიშვილის წიგნი სათაურით „ფოტოჟურნალისტიკა“, რომელიც გამოსცა „საქართველოს აკადემიურმა გამომცემლობამ“. წიგნი განკუთვნილია ფოტოჟურნალისტიკის სტუდენტებისთვის და ფოტოგრაფიით დაინტერესებული პირებისთვის. წიგნში შესულია თანამედროვე ქართველი და უცხოელი ფოტოგრაფების ნამუშევრები, რჩევები და რეკომენდაციები, რომელიც მნიშვნელოვანია ფოტოგადაღებებისას, ახალი ამბების ფოტოგრაფებისა და ფოტორეპორტიორებისთვის.

„დოკუმენტური ფოტოგრაფია არა მხოლოდ კადრის მონადირების აზარტი და შიშველი რეალობის ზედაპირზე ამოტივტივებაა, არამედ პასუხისმგებლობა იმ საზოგადოების წინაშე, რომელისთვისაც ფოტოამბის მთხრობელი და თანამედროვე ჟამთააღმწერი ხდებით. ამ შესანიშნავ, გასაგები ენით დაწერილ წიგნში, იმასაც ეზიარებით თუ რა არის ფოტოაპარატი და რა ტექნიკური „ჯადოქრობის“ დამსახურებით ვიღებთ სურათებს, გაეცნობით ფოტოგრაფიის ყველაზე პოპულარულ მიმართულებებს, ფოტოთხრობასთან დაკავშირებულ სასარგებლო რჩევებს, ღია და ფარული გადაღების ხერხებს; გაიგებთ, სად და რატომ ეზღუდებათ ფოტოგრაფებს მუშაობა, რა არის საავტორო უფლებები, როგორ იღებენ საარჩევნო კამპანიებს და სხვა უამრავ, თქვენთვის გამოსადეგ რამეს. სწორედ ამით არის ეს წიგნი საინტერესო – მისი ნარატივი „ამერიკულ მთების“ პრინციპითაა აწყობილი – ფოტოდოკუმენტალისტიკის სამყაროში მოგზაურობით და „სამოგზაურო“ განმარტებებით, პრაქტიკული რჩევებით ფოტოჟურნალისტებისთვის და დოკუმენტალისტიკას „წამებულთათვის“, ვისაც უშუალო კავშირი აქვს ვიზუალურ კომუნიკაციებთან, საზოგადოების მოლოდინებთან და, მაშასადამე, ცოცხალ ემოციებთან, რომელთა გამოღვიძებაც, ვაღიაროთ, ამ საუკუნეში საკმაოდ რთულია. ოლიკო ცისკარიშვილი თავადაა ჟურნალისტი და ფოტოგრაფი, არაერთი საჭირო გამოცემის ავტორი, მათ შორის ფოტოგრაფიის თემაზე. შეგიძლიათ ენდოთ. მთავარი ემოციაც ხომ, რომელსაც ფოდოკუმენტალისტიკა იწვევს, ნდობაა,“ – ამბობს წიგნის წინასიტყვაობაში წიგნის რედაქტორი, ჟურნალისტი ირმა კახურაშვილი.

წიგნის შეძენის მსურველებმა შეუძლიათ მიაკითხონ გამომცემლობა „საქართველოს აკადემიური გამომცემლობის“ ოფისს აღმაშენებლის 181-ში. გამომცემლობა “კლიოს” ოფისში.

 

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google photo

You are commenting using your Google account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s