საქართველოს შინაგან საქმეთა სამინისტროს ინფორმაციით, მთაწმინდაზე გაჩენილი ხანძრის ჩასაქრობად მობილიზებულია 70-მდე მეხანძრე-მაშველი, საკმარისი რაოდენობით წყლის ცისტერნით.

შსს–ს პრესსპიკერის, თეა პერტაიას ცნობით, რთული რელიეფური მდებარეობის გამო, სახანძრო-სამაშველო ტექნიკის გადაადგილება გართულებულია. თუმცა, მეხანძრე-მაშველების ეფექტური მუშაობის შედეგად, ხანძრის გავრცელების საშიშროება ამ ეტაპზე აღარ არსებობს. დასახლებულ პუნქტებს საფრთხე არ ემუქრება.

ხანძრის გამო მთაწმინდის პარკში არ გამოცხადებულა ევაკუაცია, თუმცა ტერიტორია საკუთარი სურვილით თითქმის ყველა დამსვენებელმა დატოვა.

დავით ნარმანიას თქმით, მიმდინარეობს მოლაპარაკებები თავდაცვის სამინისტროსთან და საჭიროების შემთხვევაში, ხანძარს ვერტფრენი ჩააქრობს, თუმცა ეს ჯერ–ჯერობით არ არის გადაწყვეტილი.

ხანძარი ვერის სასაფლაოდან გავრცელდა.