ოლიკო ცისკარიშვილის წიგნის „ჟურნალისტის გზამკვლევი სოციალურ საკითხების გაშუქებაში“ პრეზენტაცია გაიმართება 9 ივნისს 15:00 სთ-ზე, თბილისის სასწავლო უნივერსიტეტში. ნინოშვილის 55. (მეტრო მარჯანიშვილსა და ვაგზალს შორის)
► „ჟურნალისტის გზამკვლევი სოციალური საკითხების გაშუქებაში” მომზადდა, როგორც დამხმარე სახელმძღვანელო ჟურნალისტებისა, სტუდენტებისთვის და ჟურნალისტიკით დაინტერესებული პირებისთვის.
► სასარგებლოა არა მხოლოდ მათთვის, არამედ ნებისმიერი ადამიანისათვის, ვინც დაინტერესებულია საქართველოს რეალობაში სოციალური საკითხების შესწავლითა და გაშუქებით.
► წიგნში თავმოყრილია ავტორის მრავალწლიანი ჟურნალისტური და პედაგოგიური გამოცდილება და ზუსტად ამ გამოცდილების საფუძველზე ფორმულირებულია ის სასარგებლო რეკომენდაციები, რაც სოციალურ საკითხებზე მომუშავე ჟურნალისტმა უნდა გაითვალისწინოს.
► როგორ უნდა ვწეროთ ნარკოდამოკიდებულებაზე, აივინფექციით, თუნდაც C ჰეპატიტით ინფიცირებულ ადამიანებზე? როგორ შევეხოთ შეზღუდული შესაძლებლობის მქონე პირთა პრობლემას? როგორ უნდა მოახერხოს ჟურნალისტმა მწვავე სოციალურ თემებზე მუშაობა ისე, რომ თავი აარიდოს თავისი რესპონდენტების სტიგმატიზაციას, ანდა სტერეოტიპულ კლიშეებში მოთავსებას?
► ამ შეკითხვის ერთი დიდი პასუხია წინამდებარე წიგნი. წიგნის ავტორმა სხვადასხვა წყაროს მოშველიებითა და საკუთარი პრაქტიკული გამოცდილების ურთიერსინთეზის გზით ამ მაგისტრალურ შეკითხვაზე პასუხი შემოგვთავაზა.
გელით 9 ივნისს, ნინოშვილის 55-ში.
ეკოფაქტი 