25 დეკემბერს ქალაქ ბაღდათის № 2 საჯარო სკოლაში ივანე ჯავახიშვილის სახელობის თბილისის სახელმწიფო უნივერსიტეტის ,,საბავშვო უნივერსიტეტის”, თსუ-ს ,,ნორჩ გეოგრაფთა სკოლისა”, ბაღდათის საინფორმაციო და ტურიზმის განვითარების ფონდის, აგრეთვე ბაღდათის მუნიციპალიტეტის  საგანმანათლებლო რესურსცენტრის მხარდაჭერით გაიმართა ბაღდათის მუნიციპალიტეტის საჯარო სკოლის მოსწავლეთა გეოგრაფიული ვიქტორინა. ვიქტორინაში მუნიციპალიტეტის გეოგრაფიული თავისებურებების შესახებ დასმული იქნა 15 შეკითხვა. ვიქტორინაში მონაწილეობდნენ მუნიციპალიტეტის 7 საჯარო სკოლა: ქალაქ ბაღდათის №1, ქალაქ ბაღდათის №2, სოფელ ობჩის №1, სოფელ ფერსათის №2, სოფელ ვარციხის, სოფელ როკითისა და სოფელ  დიმის №1 საჯარო სკოლები, სულ 35 მოსწავლე.

გეოგრაფიული ვიქტორინის ჟიურის წევრები იყვნენ: თსუს ასისტენტ-პროფესორი გიორგი დვალაშვილი, ფერეიდნელი ქართველი პროფესორი აკბარ მოყადასი-ზუბიტაშვილი და ბაღდათის ტურიზმისა და კურორტების განვითარების ცენტრის მენეჯერი გოჩა ხორავა. გამარჯვებულები გახდნენ  სოფელ ფერსათის №2 საჯარო სკოლის მოსწავლეები: ქეთევან კოხოძე,  ჯუმბერ თავხელაძე,  ჯუმბერ იოსებაშვილი, რუსუდან დემეტრაძე,  სალომე სახამბერიძე. ხოლო გამარკვებული გუნდის პედაგოგი არის გოჩა ნერგაძე.  გამარჯვებულები დიპლომებით, რუკებით და თსუ-ს სიმბოლიკიანი საჩუქრებით დააჯილდოვეს ბაღდათის მუნიციპალიტეტის საკრებულოს თავჯდომარემ გრიგოლ მაჩიტაძემ და თსუ-ს ისტორიის დოქტორმა ალექსანდრე (სანდრო) მარუაშვილმა.