სასტუმრო ,,თბილისი მარიოტში“, საქართველოს მთავრობის კანცელარიისა და სამოქალაქო განვითარების სააგენტოს (სიდა) ორგანიზებით გაიმართა მრგვალი მაგიდა თემაზე „პოლიტიკა და თანამშრომლობა განვითარებისთვის“.

ღონისძიებას ესწრებოდნენ საქართველოს მთავრობის და დონორი/საერთაშორისო ორგანიზაციების წარმომადგენლები. ღონისძიების ფარგლებში საქართველოს მთავრობამ დონორ ორგანიზაციებს წარუდგინეს ეროვნულ დონეზე მდგრადი განვითარების მიზნების იმპლემენტაციის გეგმა და ქვეყნის პრიორიტეტული მიმართულებები, მათ შორის ადამიანის უფლებების, გენდერის,  გარემოს დაცვის, ეკონომიკის, ენერგეტიკის, სოფლის მეურნეობის, დასაქმების, პროფესიული გადამზადებისა და ა.შ. სფეროებში. ევროკავშირის დელეგაციის წარმოამდგენელმა სტეფან სტორკმა განაცხადა, რომ ძალიან მოეწონა საქართველოს ეკონომიკის სამინისტროს პროგრამა საქართველო 2020. “ძალიან შთამბეჭდავი შედეგებია,” – აღნიშნა სტორკმა.  მთავრობის მუშაობა შვეიცარიის თანამშრომლობის ოფისმაც დადებითად შეაფასა.