ცხრა წლის, ლუკა ბერიძე, რომელიც 2012 წლიდან „მუყაოს ოცნების ქალაქში“ ცხოვრობდა, გუშინ საღამოს გარდაიცვალა. პარასკევს, ბათუმის დედათა და ბავშვთა სამედიცინო ცენტრში მიიყვანეს, მაღალი სიცხით და ღებინებით. ბავშვის დედის ინგა სანიკიძის განმარტებით, ბავშვისთვის, იმ ღამეს ერთი გადასხმის გარდა, არაფერი გაუკეთებიათ. უყურადღებობის გამო, შვილი საავადმყოფოდან გაიყვანა. ორშაბათს, საღამოს საათებში, ოცნების ქალაქელებმა გადაიყვანეთ ბათუმის ინფექციურ საავადმყოფოში.

„იქ არ მიგვიღეს, რადგან ბავშვი იყო მძიმედ და გადავიყვანეთ ისევ ბათუმის დედათა და ბავშვთა სამედიცინო ცენტრში. ბავშვი საავადმყოფოში კრუნჩხვებში ჩავარდა. მას შემდეგ ავიყვანეთ რეანიმაციაში. ექიმი არ გვეუბნებოდა ბავშვის მდგომარეობას. მხოლოდ იმას ამბობდა, რომ ბავშვი არის მძიმედ. მას შემდეგ ვითხოვეთ რომ ბავშვი რეანომობილით გადაგვეყვანა თბილისში. რაზეც ექიმმაც და დირექტორმაც უარი განაცხადა და გვითხრა, რომ თუ თქვენ გაქვთ სახსრები გამოიძახეთ და გაგატანთო. რაც ღირს 1000 ლარი. ჩვენ ოჯახის წევრებმა ვთხოვეთ ბავშვთა უფლებების დამცველს დახმარება, უარი არ გვითხრა და სამინისტროში მივედით,“ – გვიყვება როინ გუნდაძე.  – როცა ჯანდაცვის სამინისტროში მივედი ანზორი ბალაძესთან. და ვთხოვე დაგვხმარებოდა მაგრამ უარი გვითხრა და ისიც განგვიმარტა რომ თუ კლინიკა დადებს დასკვნას, რომ ბავშვი გადასაყვანია თბილისში ან სხვა კლინიკაში. წინასწარ შეუთანხმდებიან და მერე წაიყვანენო. როცა ისევ კლინიკაში დავბრუნდით, ბავშვი უკვე გარდაცვლილი დაგვხვდა.“

ამ ფაქტთან დაკავშირებით, სამედიცინო რეგულირების სააგენტომ მოკვლევა დაიწყო.

როგორ გადაიტანენ ზამთრის სუსხს მისი პატარა ერთი წლის და და დანარჩენი “ოცნების ქალაქის” პატარები ძნელი წარმოსადგენია…