თუშეთის დაცული დანდშაფტის ადმინისტრაციის ინფორმაციით, თუშეთის გზის დაზიანების მასშტაბი საკმაოდ სერიოზულია. შეკეთებას სულ ცოტა ერთი კვირა დასჭირდება.

მაგთის ანძები, მეხის ჩამოვარდნის გამო, დაზიანებულია, მობილური კავშირი თუშეთთან გაწყვეტილია. ათობით ტურისტია ჩარჩენილი და ბარში ჩამოსვლას ლამობს. ერთ-ერთი ფრანგი ტურისტი ჩივის, რომ ორ დღეში აუცილებლად უნდა იყოს პარიზში, რადგან მნიშვნელოვანი საქმე აქვს.

ომალოში ჩარჩენილი ტურისტების თქმით, ვერტმფრენი, რომელსაც კერძო პირი ფლობს, ტურისტების გადმოსაყვანად, ითხოვს, ერთი ადამიანის მგზავრობის საფასურს 300 დოლარს. მათი თქმით, ეს თანხა მათთვის კოლოსალურია და ვერ შეძლებენ გადახდას. ზოგიერთი ტურისტი თანახმაა ფეხით ჩავიდეს ბარამდე, თუმცა ეს საკმაოდ საშიშია, რადგან ორი დღის წინ, ძლიერი წვიმის შემდეგ, ჩამოსულმა მეწყერმა, დაახლოებით ორ კილომეტრი მოიცვა და მასზე გადაადგილება სიცოცხლისთვის სახიფათოა.

პ.ს. მახსოვს, ბუნებრივი კატასტროფების დროს, სახელმწიფო უზრუნველყოფდა ადამიანების ტრანსპორტირებას უსაფრთხო ადგილას…

photo by Kakha Oghadze