გლობალური გარემოსდაცვითი ფონდი (GEF) საერთაშორისო თანამშრომლობის ორგანიზაციას წარმოადგენს, რომელშიც მსოფლიოს 183 ქვეყანაა ჩართული, რომლებიც საერთაშორისო ინსტიტუტებთან, სამოქალაქო საზოგადოებასთან და კერძო სექტორთან ერთად, აქტიურად თანამშრომლობენ გლობალური გარემოსდაცვითი საკითხების გადაჭრის მიმართულებით.

გლობალური გარემოსდაცვითი ფონდის მიერ საქართველოსთვის გამოყოფილი გრანტების საერთო ჯამი 33 მილიონ აშშ დოლარს შეადგენს, რომელიც მოიცავს 24 პროექტს ბიომრავალფეროვნების, კლიმატის ცვლილების, წყლის რესურსების, ნარჩენებისა და ქიმიური ნივთიერებებისა და მიწის რესურსების მართვის მიმართულებით.

შეხვედრაზე GEF -ის მიერ დაფინანსებული პროექტების განხორციელებაზე იმსჯელეს – კონვენცია ბიოლოგიური მრავალფეროვნების შესახებ, გაეროს კლიმატის ცვლილების ჩარჩო კონვენცია, გაეროს კონვენცია მდგრადი ორგანული დამაბინძურებლების შესახებ, გაეროს კონვენცია გაუდაბნოების წინააღმდეგ ბრძოლის შესახებ და მინამატას კონვენცია ვერცხლისწყლის შესახებ.

1991 წლიდან გლობალურმა გარემოსდაცვითმა ფონდმა 13,5 მილიარდი აშშ დოლარის ოდენობის გრანტების გამოყოფა და 165 განვითარებად ქვეყანაში 3 900 პროექტის დაფინანსება უზრუნველყო.

რეგიონულ შეხვედრას სამოქალაქო საზოგადოების, GEF -ის სამდივნოსა და სააგენტოს წარმომადგენლები და აღმოსავლეთ ევროპის 12 ქვეყნის წარმომადგენლები ესწრებოდნენ, სადაც მხარეებმა GEF -ის მიერ დაფინანსებული პროექტების განხორციელებისა და მათი ეროვნულ პოლიტიკაში ინტეგრაციის გამოცდილება ერთმანეთს გაუზიარეს.