საქართველოს გაეროს ასოციაციასა და ახალი ამბების ინტერნეტ გამოცემა civil.ge -ს გამოცხადებულ ბლოგერების კონკურსში, რომელიც ევროკავშირისა და გაეროს განვითარების პროგრამის ერთობლივი პროექტი იყო, COBERM-ის ფარგლებში. გაიმარჯვა www.ekofact.com, გაიმარჯვა ასევე, ბექა გაბადაძისა და მაგდა ჩინიჯიშვილის ბლოგებმაც.

პროექტის ფარგლებში შეიქმნა ახალი ინტერნეტ რესურსი – www.opinion.civil.ge, სადაც გამოქვეყნდება სხვადასხვა თემებზე შემუშავებული კვლევები, ანალიზი და მათზე დაფუძნებული მოსაზრებები.

კონკურსის შედეგად დაჯილდოვდნენ ბლოგერები, რომლებიც ადამიანის უფლებების, გენდერული თანასწორობის, გარემოს დაცვის, მშვიდობის ხელშეწყობის, სამოქალაქო საზოგადოებისა და მრავალფეროვნების თემებზე საუკეთესო ბლოგ-პოსტები შექმნეს).

გამარჯვებული ავტორები და სტატიები შეირჩნენ, როგორც ბლოგის შიდა შეფასების მექანიზმის – მკითხველების მოსაზრების, ასევე საქართველოს გაეროს ასოციაციისა და civil.ge-ს ერთობლივი შეფასების საფუძველზე. გამარჯვებული ბლოგერები დაჯილდოვდნენ წამახალისებელი პრიზებითა და სერთიფიკატებით.