ზოოპარკში მატებაა!!! – აცხადებენ თბილისის ზოოპარკში.
უსაყვარლეს ახალშობილზე, პაწაწუნა ჰამადრილზე, დედამ უარი თქვა და ახლა ზოოპარკის თანამშრომლების მზრუნველობის ქვეშაა. მას აზღარბული შავ-შავი ქოჩორი და ჭკვიანი, ღილებივით თვალები ამშვენებს, პიანისტივით გრძელი თითების პატრონი ბუნებრივი, შავი მანიკიურითაც იწონებს თავს.
“პატარის გადასარჩენად მისი ვოლიერიდან გამოყვანა მოგვიწია. ახლა მას ჩვენი ძიძა ევლება თავს. საწოვარადან აჭმევს, კალათში აძინებს სათამაშოებთან ერთად და პამპერსებსაც უცვლის.” – აცხადებენ თბილისი ზოოპარკის ადმინისტრაციაში.
შეგახსენებთ, რომ ჰამადრილის ბაბუინი ანთრისებრთა ოჯახის და პავიანების გვარის წარმომადგენელია. ეს გასაოცარი ცხოველები, მათი გონიერებით, რთული სოციალური ქცევითა და სტრუქტურით, ეთიოპიის, სომალისა და ერიტრეას ღირსშესანიშნაობას წარმოადგენენ.
ეკოფაქტი 