RSS

უფლისციხეში ,,ქართლის ღვინის ფესტივალის” პრეზენტაცია მოეწყო

31 მაისი

ufliscixe 023უფლისციხის მუზეუმ-ნაკრაძალის საკონფერენციო დარბაზში ,,ქართლის ღვინის ფესტივალის” პრეზენტაცია გაიმართა, რომელსაც იდეის ავტორი, პრეზიდენტის ადმინისტრაციის უფროსი ანდრო ბარნოვი უძღვებოდა. პრეზენტაციას ხელისუფლების წარმომადგენლებთან ერთად ადგილობრივი მეღვინეები, მეღვინეთა ასოციაციის და რეგიონული განვითარების სააგენტოს წარმომადგენლები ესწრებოდნენ.

,,ღვინის ფესტივალი არის მრავალმხრივად საინტერესო და სასარგებლო ღონისძიება. ამ ღონისძიებით გარდა იმისა, რომ მეღვინეები დამატებით შემოსავალს ნახავენ, აქ წარმოდგენლნი იქნებიან ჩირის, ჩურჩხელის, ყველის და სუვენირების ადგილობრივი მწარმოებლები, რომლებიც საკუთარ პროდუქციას გააცნობენ სტუმრებს. როგორც წესი, იქ სადაც მსგავსი ფესტივალები იმართება, ძალიან ხეირობს ტურისტული ბიზნესი და ძალიან მნიშვნელოვანი პოტენციალი ექნება ღვინის ტურიზმსაც. ჩვენთან გარშემო არის უამრავი ისეთი ადგილი, სადაც შეიძლება ფესტივალზე მოსულ სტუმრებს ბიზნესკომპანიებმა შესთავაზონ საინტერესო ტურები,” – აღნიშნა ანდრო ბარნოვმა და დასძინა, რომ ფესტივალი ტრადიციული გახდება.

ადგილობრივი მეღვინეების თქმით, ღვინის ფესტივალი ხელს შეუწყობს მათი შემოსავლების ზრდას, ადგილობრივ ბაზარზე დამკვირდებას და ოჯახური მარნების განვითარებას.
ფესტივალი 9 ივნისს გორში, რეაბილიტირებულ ციხის უბანში გაიმართება და მიზნად ისახავს განსაკუთრებული გემოვნური თვისებების მქონე ქართლის ღვინის პოპულარიზებას, ადგილობრივი ვაზის ჯიშების შენარჩუნებას და გამრავალფეროვნებას, რეგიონში შემორჩენილი უნიკალური ჯიშებიდან დაყენებული ღვინის გაცნობა-პოპულარიზაციას, ქართლის ღვინის მწარმოებელთა კატალოგის შექმნას შემდგომი კონსულტაციებისა და სერვისების მიწოდების მიზნით, ახალ მწარმოებელთა დაინტერესებას, შიდა თუ გარე ბაზრების ყურადღების მიპყრობას.

ფესტივალის მასპინძელია შიდა ქართლის გუბერნატორის ადმინისტრაცია. ღონისძიებას ორგანიზებას უწევს ქართლის ტრადიციული მეღვინეობის ასოციაცია და რეგიონული განვითარების სააგენტო.

Advertisements
 

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s