RSS

ქუთაისში ახალი ნაგავსაყრელის მშენებლობის პროექტზე იმსჯელებენ

28 მაისი

nagaviiiiiiiსაქართველოს რეგიონული განვითარების მინისტრი დავით ნარმანია, მინისტრის მოადგილე შოთა მურღულია და საქართველოს მყარი ნარჩენების მართვის კომპანიის დირექტორი გიორგი შუხოშვილი ქუთაისში KFW-ს წარმომადგენლებს შეხვდებიან.
საქართველოს რეგიონული განვითარებისა და ინფრასტრუქტურის სამინისტროს ცნობით, შეხვედრაზე, ასევე მიწვეულნი არიან იმერეთის მხარეში არსებული მუნიციპალიტეტებისა და სამხარეო ადმინისტრაციის წარმომადგენლები.
სამინისტროს ინფორმაციით, შეხვედრაზე მინისტრი და მიწვეული სტუმრები მიიღებენ სრულ ინფორმაციას ქუთაისში დაგეგმილი ახალი ნაგავსაყრელის მშენებლობის შესახებ. მყარი ნარჩენების კომპანია, ასევე, წარადგენს საკუთარ გეგმას, თუ როგორ აპირებს ქუთაისში არსებული ნაგავსაყრელის პრობლემის მოგვარებას ახალი, თანამედროვე სტანდარტების ნაგავსაყრელის მშენებლობის დასრულებამდე.
გერმანია-საქართველოს ფინანსური თანამშრომლობის ფარგლებში, KFW და მყარი ნარჩენების კომპანია ქუთაისის მყარი ნარჩენების ინტეგრირებული მართვის პროექტს ახორციელებენ. სამინისტროს ცნობით, აღნიშნული პროექტის განხორციელება საბოლოოდ გადაჭრის ქუთაისის ნაგავსაყრელის მრავალწლიან პრობლემას. პროექტის ფარგლებში დაგეგმილია ძველი – ე.წ. ნიკეას ნაგავსაყრელის კონსერვაცია და მის ნაცვლად ახალი, თანამედროვე სანიტარული ნაგავსაყრელის მშენებლობა. პროექტით, ასევე, მოხდება ქვეყნის მასშტაბით საჭირო ნაგავსაყრელებისა და გადამტვირთი სადგურების რაოდენობის განსაზღვრა.
შეხვედრა დღეს, 15:00 საათზე, ქუთაისის მერიის დარბაზში გაიმართება.

Advertisements
 

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s