RSS

კატასტროფების რისკის შემცირების საკითხზე მემორანდუმი გაფორმდება

28 May

wyali 5კატასტროფების რისკის შემცირების სამუშაოებში ჩართულ სამთავრობო სტრუქტურებსა და არასამთავრობო ორგანიზაციებს შორის დღეს ურთიერთგაგების მემორანდუმი გაფორმდება.
დოკუმენტს ხელს მოაწერენ გარემოსა და ბუნებრივი რესურსების დაცვის მინისტრის პირველი მოადგილე ნინო შარაშიძე, საქართველოს განათლებისა და მეცნიერების მინისტრის მოადგილე ალუდა გოგლიჩიძე, შინაგან საქმეთა სამინისტროს სპეციალური და საგანგებო ღონისძიებების ცენტრის საგანგებო სიტუაციების მართვის დეპარტამენტის დირექტორი ზვიად ქაწაშვილი; “გადავარჩინოთ ბავშვები”-ს საქართველოს წარმომადგენლობის დირექტორი ნათია დეისაძე და “არბაითერ-სამარიტერ-ბუნდი”-ს საქართველოს წარმომადგენლობის დირექტორი ბერნდ ილგი. მემორანდუმი ნათლად განსაზღვრავს თითოეული მხარის ფუნქციებსა და ვალდებულებებს საქართველოს საგანმანათლებლო სისტემის სკოლამდელი განათლების სფეროში “კატასტროფების რისკის შემცირების” დანერგვის მხარდასაჭერად. ასევე, ასახავს თანამშრომლობას პოლიტიკის შემუშავებისა და კოორდინაციის საკითხებში, სამცხე-ჯავახეთის რეგიონისა და აჭარის ავტონომიური რესპუბლიკის საბავშვო ბაღების თანამშრომლების შესაძლებლობებისა და უნარების განვითარებას, ცოდნის მართვასა და კატასტროფების რისკის შემცირების შესახებ ინფორმირებულობის დონის ამაღლებას.
ურთიერთგაგების მემორანდუმი, განსაზღვრავს მხარეებს შორის პარტნიორობისა და თანამშრომლობის პირობებს “კატასტროფების რისკის შემცირება (DDR) საქართველოს საბავშვო ბაღებსა და ინსტიტუციებში” პროექტის ფარგლებში, რომელსაც ახორციელებს “გადავარჩინოთ ბავშვები” “არბაითერ-სამარიტერ-ბუნდთან” (SemdgomSo “ASB”) თანამშრომლობით. აღნიშნული პროექტი დაფინანსებულია ევროკომისიის ჰუმანიტარული დახმარებისა და სამოქალაქო დაცვის კატასტროფებისადმი მზადყოფნის ოფისის (ECHO) მიერ “კატასტროფის რისკის შემცირება სამხრეთ კავკასიის დაუცველ თემებსა და ინსტიტუციებში” პროგრამის (DIPECHO II ფაზა) ფარგლებში.
მემორანდუმის გაფორმების ღონისძიების ფარგლებში საგანმანათლებლო ანიმაციური ფილმის პრეზენტაციაც გაიმართება.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s