ხვალ, დედამიწის დღესთან დაკავშირებით, გარემოს დაცვისა და ბუნებრივი რესურსების საპარლამენტო კომიტეტის თავმჯდომარე გიორგი ცაგარეიშვილი ქუთაისის #25-ე საჯარო სკოლაში საჯარო ლექციას წაიკითხავს. შეხვედრა სკოლასთან გაფორმებული ურთიერთთანამშრომლობის ფორმატში ტარდება. მისივე თქმით, ღონისძიებაში მონაწილეობას მიიღებენ, როგორც აღნიშნული სკოლის პედაგოგები, მოსწავლეები და მათი მშობლები, ასევე ქუთაისის სხვა საჯარო სკოლების წარმომადგენლები და გარემოსდაცვით სფეროში მოქმედი არასამთავრობო ორგანიზაციები. “ლექცია შეეხება იმ ეკოლოგიურ პრობლემებს, რომელიც არსებობს როგორც საკუთრივ ქუთაისში, ასევე მთელს იმერეთის რეგიონში. საუბრის თემა იქნება გარემოსდაცვით სექტორში მიმდინარე რეფორმები. კომიტეტი აპირებს, გარემოს დამცველებისთვის ყველა მნიშვნელოვან დღეს საზოგადოებას სხვადასხვა სახის ღონისძიება შესთავაზოს, რაც გარემოსდაცვითი ცნობიერების ამაღლებას ხელს შეუწყობს”, – აღნიშნა ცაგარეიშვილმა.
http://www.ipn.ge