უამინდობის გამო, წუხელ შავ ზღვაში შტორმი დაფიქსირდა. შტორმის სიმძლავრე 5-6 ბალი იყო. ტალღებმა ზღვისპირა პარკის საფეხმავლო ბილიკამდე და ხიმშიაშვილის ქუჩამდეც მიაღწია. სანაპირო ზოლზე სახანძრო, სამაშველო, სანდასუფთავებისა და გამწვანების სამსახურის წარმომადგენლები დილის 5 საათიდან იყვნენ მობილიზებული. ისინი გაწმენდით სამუშაოებს ამ დრომდე აწარმოებენ. სანიაღვრე არხის დააზიანების გამო აკვაპარკის მიმდებარე ტერიტორია მთლიანად დატბორილია. ძლიერმა ტალღებმა აეროპორტის ტერიტორიაზე მწვანე ნარგავები დააზიანა და 8 განათების ბოძი მოგლიჯა. არდაგანის ტბაში წყლის დონემ მოიმატა, რის გამოც, ახლოს მდებარე რესტორნები დაიტბორა. მსგავსი შტორმი აჭარაში ბოლო 10 წლის განმავლობაში არ დაფიქსირებულა.
ამალია ამბარცუმიანი
ფოტო : ნიკა ქობულაძე
ეკოფაქტი 