გარემოს დაცვის სამინისტროს ეკოლოგიური ექსპერტიზისა და ინსპექტირების დეპარტამენტმა ქალაქ თბილისის მერიაზე მყარი საყოფაცხოვრებო ნარჩენების პოლიგონის მოწყობის მიზნით 2010 წლის 24 მარტს გაცემული ეკოლოგიური ექსპერტიზის დასკვნით დადგენილი პირობების შესრულების მდგომარეობა შეამოწმა.გარემოსდაცვითი შემოწმების შედეგად გამოვლინდა ნაგავსაყრელის ექსპლუატაციის ტექნოლოგიური ციკლის დარღვევა და ეკოლოგიური ექსპერტიზის დასკვნით დადგენილი მთელი რიგი პირობების შეუსრულებლობა.

გამოვლენილ დარღვევებთან დაკავშირებით, საქართველოს გარემოს დაცვის სამინისტროს ეკოლოგიური ექსპერტიზისა და ინსპექტირების სამმართველოს ინსპექტორების მიერ ქალაქ თბილისის მერიის მიმართ, საქართველოს სამართალდარღვევათა ადმინისტრაციული კოდექსის 79 მე-2 პრიმა მუხლით, შედგა ადმინისტრაციული სამართალდარღვევის ოქმი და საქმე განსახილველად გადაეგზავნა თბილისის საქალაქო სასამართლოს.