ინდონეზიაში, პირველი ხარისხის (ყველაზე დაბალი) განგაშია გამოცხადებული. ვულკანოლოგიის ცენტრის უფროსის თქმით, ვულკანი ტანგკუბან-პრაუ, რომელიც იავას დასავლეთში, ქალაქ ბანდუგთან მდებარეობს, კვლავ ამოქმედდა. კრატერიდან, ვულკანის ფერფლი ამოიფრქვა. ინციდენტი, შაბათს მოხდა. “ალპინისტებს და ტურისტებს, დაჟინებით ვთხოვთ, რომ კრატერს 2 მეტრზე ახლოს არ მოუახლოვდნენ,” – დაამატა ვულკანოლოგმა.

ტანგკუბან-პრაუ, სიმაღლეში, ზღვის დონიდან 2084 მეტრს შეადგენს. ის ინდონეზიის მთავარი კუნძული იავას დასავლეთში მდებარეობს. კუნძულის მოსახლეობა, 160 მილიონ ადამიანს შეადგენს. ეს “ცეცხლის მთა”, ბოლოს 1983 წელს ამოქმედდა. საბედნიეროდ, მაშინ ამ ინციდენტს მსხვერპლი არ მოჰყოლია. წინა წლის სექტემბერში, ამ ვულკანის კრატერიდან ატმოსფეროში ტოქსიკური აირები ვრცელდებოდა, მაგრამ რამდენიმე კვირაში შეწყდა. “აღსანიშნავია, რომ ტანგკუბან-პრაუმ ამდენი წლის განმავლობაში, პირველად ამოუშვა ფერფლი და ამოქმედდა,” – აღნიშნა ვულკანოლოგმა სურონომ.

ბელა არუთინოვი