2012 წლის სექტემბერში “ეკოფაქტზე” გამოქვეყნდა მასალა, სადაც ლაპარაკი იყო ტყეების მასობრივ დაავადებაზე. “დღეს, სოფელ დიკლოს მიმდებარე ტერიტორიებზე, უნიკალურ ფიჭვნარს სოკოვანი დაავადება აქვს, ახალგაზრდა ხეები ზეზეულად ხმებიან და ფესვებიანად ეცემიან. დიკლოს მიმდებარე მთებზე მასიუარადაა ამ დაავადებისგან ხეები წაქცეული.თუშეთის დაცულ ტერიტორიებზე თუ დროულად არ აღიკვეთა ხეების ეს დაავადება, ტყეებს მასობრივი განადგურება ემუქრება,” – ნათქვამი იყო მასალაში. “სამოქალაქო განვითარებისათვის სოციალური აქტივობა” ფოტო მასალასაც ავრცელებდა.

გარემოს დაცვისა და ბუნებრივი რესურსების მინისტრის მოადგილის შალვა ამირეჯიბის განცხადებით, უკვე შესყიდულია მასალა და ტყის მასივის შეწამვლა ვერტმფრენებით ზაფხულში დაიწყება.