12 აპრილს 17:00 საათზე პიარ კლუბს ესტუმრება ტურიზმის ექსპერტი რუნე ლემონი შვედეთიდან და კლუბის წევრებთან შეხვედრას გამართავს. შეხვედრაზე იგი შვედეთის ტურიზმზე, ტურისტულ ბიზნესზე, ტურისტული პროდუქტის შექმნაზე, ტურისტული მომსახურების სპეციფიკაზე ისაუბრებს, შვედეთის მაგალითების მიხედვით.
შვედი ექსპერტი საქართველოში იმყოფება საქართველოს გიდების ასოციაციის დაფინანსებით და ტურიზმის განვითარების ცენტრ „ნიუ კასის” მხარდაჭერით.
რუნე ლემონი სტოქჰოლმის გიდების ასოციაციის თავჯდომარეა.
შეხვედრა გაიმართება ტურისტული და ავია კომპანიების პიარ პრაქტიკოსებისთვის ასევე დაინტერესებული პირებისათვის მერაბ ბერძენიშვილის კულტურის საერთაშორისო ცენტრ „მუზაში”. დაამსწრეებს გადაეცემათ პიარ კლუბის სერთიფიკატები.
“პიარ-კლუბი” საზოგადოებასთან ურთიერთობის სფეროში დასაქმებულთა ნებაყოფლობით გაერთიანებას წარმოადგენს. კლუბის ძირითადი საქმიანობის სფერო იმ საკითხებს მოიცავს, რაც წევრთა საერთო ინტერესებში შედის და რაც ცალკეული პიარ-პრაქტიკოსების ძალებით რთული გადასაწყვეტია. კლუბის მიზნებია, პროფესიული ინტერესების წარდგენა და დაცვა, სფეროს გაუმჯობესებაზე და პოპულარიზაციაზე ზრუნვა, პიარის განათლების განვითარების ხელშეწყობა, ქცევისა და ეთიკის კოდექსის შექმნა და პიარ პროფესიონალებს შორის სწორი კომუნიკაციის ჩამოყალიბება. კლუბი წევრებისთვის ერთობლივ პიარ-აქტივობებს, ასევე როგორც ინდივიდუალურ და ჯგუფურ შეხვედრებს და სხვადასხვა ტრეინინგ-სემინარებს რეგულარულად მოაწყობს.
