თბილისის 157-ე საჯარო სკოლის დაწყებითი კლასის მასწავლებელი მარეხი ბასილიძემ საინტერესო პროექტი განახორციელა თავის პატარა მოსწავლეებთან ერთად,

ეს პროექტი პატარებს თავიდანვე უნერგავს ბუნებისადმი სიყვარულს და მოფრთხილებას.

პროექტ ”ჩვენი ფრთოსანი მეგობრები” მიზანია მოსწავლეებმა მოიძიონ ინფორმაცია ფრინველების ცხოვრებისა და სარგებლიანობის შესახებ,მოისმინონ ფრინველების ჭიკჭიკი, როგორც აუდიომასალის დახმარებით, ასევე ბუნებაში, ჩანახატების სახით ან სიტყვიერად გადმოსცენ საკუთარი დამოკიდებულება ეკოლოგიისადმი, გამოუმუშავდეთ ჯგუფური მუშოაბის უნარ–ჩვევა და  პრეზენტაციის ელემენტარული უნარი.

პროექტის მიმდინარეობა ეტაპობრივად აისახება მასწავლებლის ბლოგზე: 

http://marexbasilidze.blogspot.com/2012/03/blog-post.html

”ჩვენი კლასის სტუმარია კავკასიის საერთაშორისო უნივერსიტეტის პროფესორ– ასისტენტი, ”ეკოფაქტის” დამაარსებელი, (”ეკოფაქტში” უმთავრესად ადგილი უკავია გარემოს დაცვის პრობლემებს) ჟურნალისტი – ოლიკო ცისკარიშვილი–სოსელია.

ოლიკო პროექტის– ”ჩვენი ფრთოსანი მეგობრების” –თანამონაწილეა.

ჯგუფის წევრებმა აიღეს ინტერვიუ ფოტოჟურნალისტისგან,მან თავის მხრივ მითითება მისცა მოსწავლეებს ,თუ როგორ უნდა ემუშავათ სამომავლოდ. დავგეგმეთ ბუნებაში გასვლითი ტურიც (ექსკურსია).