ძლიერმა წვიმამ ტყიბულის მუნიციპალიტეტი სერიოზულად დააზარალა. ტყიბულში გუშინ მოსულმა უხვმა ნალექმა ქალაქის ცენტრალური ქუჩა დატბორა და რამდენიმე საათის განმავლობაში საავტომობილო მოძრაობა შეზღუდა.

ძლიერი წვიმის შედეგად ჩამოწოლილმა მეწყერმა რამდენიმე ოჯახს კარმიდამო დაუზიანა. მთელი ღამის განმავლობაში ადგილზე იმყოფებოდნენ ადგილობრივი თვიმმართველობის წარმომადგენლები. შესაბამისი სამსახურების გზის გაწმენდითი სამუშაოები მიმდინარეობდა.
ტყიბული-ქუთაისის გზაზე, სოფელ საწირეში, მდინარე ჭალის ადიდების შედეგად მოვარდნილმა წყალმა წაიღო დროებითი ხიდი, რის გამოც ტყიბულიდან ქუთაისის მიმართულებით საავტომობილო მოძრაობა შეწყვეტილია და გადაადგილება ალტერნატიული მარშრუტით, თერჯოლის რაიონიდან ხდება.
აღნიშნულ ხიდზე უკვე აღდგენითი სამუშაოები მიმდინარეობს და საავტომობილო მოძრაობა სავარაუდოდ, დღის ბოლომდე განახლდება.

http://www.ipn.ge