სიცილიაში ვულკანმა “ეტნამ” ისევ გაიღვიძა.
უცხოური მედიის ინფორმაციით, ეს კუნძულზე წლის განმავლობაში ვულკანის მეხუთე ამოფრქვევაა . გეოფიზიკის ეროვნული ინსტიტუტის სპეციალისტებმა და იტალიელმა ვულკანოლოგებმა ლავის ამოფრქვევის ახალი კერა დააფიქსირეს, რომელიც კუნძულის სამხრეთ ნაწილში მდებარეობს.
ვულკანის ამოფრქვევა გამთენიისას დაიწყო. ის საათნახევრის განმავლობაში გრძელდებოდა და თან აფეთქებები და ძლიერი ფერფლი ახლდა.
ვულკანის მორიგ ამოფრქვევას საერთაშორისო აეროპორტის მუშაობის შეფერხება არ გამოუწვევია.
შეგახსენებთ, რომ წელს “ეტნას” ამოფრქვევის პირველი ფაქტი 5 იანვარს დაფიქსირდა.
